Chłopca trymajuć u viciebskim SIZA № 2.
Chłopca trymajuć u viciebskim SIZA №2
Heta paćvierdziŭ dziažurny śledčaha izalataru. 27 lutaha maci aktyvista Raisa Dzianisava pieradała synu pieradaču: charčy i ciopłaje adzieńnie. Sustrakacca z synam joj nie dazvalajuć.
Pavodle Raisy Dzianisavaj, 28 lutaha da Dzianisa pojdzie advakat, ad jakoha jana spadziajecca daviedacca pra vyłučanaje abvinavačańnie. Nahadajem, 25 lutaha Dzianisa Dzianisava vyvieźli z homielskaha śledčaha izalataru ŭ Viciebsk, ale vysadzili ź ciahnika jašče da horadu.
Raisa Dzianisava raspaviała, jak sprabavała sustreć syna na viciebskim vakzale: «Kali pryviazuć, było nieviadoma. Biehała pa vakzale, sustrakała ciahniki. Viedajecie, jak serca maci niepakoicca… Ale ničoha. U niadzielu pajšła ŭ izalatar, chacieła pieradaču pieradać, ale ŭ niadzielu i paniadziełak pieradačaŭ nie prymajuć, tamu ničoha nie kazali. Tolki siońnia pryniali pieradaču».
Dzianisa Dzianisava zatrymali jašče 16 lutaha. Letaś suprać jaho zaviali kryminalnuju spravu pavodle abvinavačańnia ŭ «arhanizacyi hrupavych dziejańniaŭ, jakija hruba parušajuć hramadzki paradak». Pavodle hetaha artykułu aktyvistu pahražaje da troch hadoŭ źniavoleńnia. Miž tym svajaki Dzianisava nie vyklučajuć, što artykuł abvinavačańnia źmieniać, bo jahonuju spravu pieradali inšamu śledčamu.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2828
Kamientary