"Prosta ŭ mianie jość varyjant jašče adnoj kamandziroŭki na 4 sakavika i pakul niama jasnaści, kudy kankretna mianie adpraviać".
Ministar unutranych spraŭ Uładzimier Navumaŭ pravioŭ siońnia pres‑kanferencyju z nahody 90‑hodździa biełaruskaj milicyi. Spadar Navumaŭ siarod inšaha zajaviŭ, što pakul nia viedaje, ci palacić 4 sakavika u Ńju‑Jork, jak paviedamlałasia raniej. «Prosta ŭ mianie jość varyjant jašče adnoj kamandziroŭki na 4 sakavika i pakul niama jasnaści, kudy kankretna mianie adpraviać. Što asabista da mianie, to druhaja kamandziroŭka navat padajecca bolš važnaj», — zajaviŭ ministar unutranych spravaŭ. Najchutčej, u druhim vypadku havorka viadziecca pra ŭradavy vizyt u AAE. Navumaŭ tak i nie raskazaŭ, jak jamu ŭdałosia atrymać amerykanskuju vizu i ci byli z hetym niejkija prablemy.
Navumaŭ admoviŭsia kamentavać pašyreńnie śpisu nieŭjaznych biełaruskich čynoŭnikaŭ dziaržaŭnym departamentam ZŠA.
Taksama Navumaŭ raskazaŭ, što sioleta milicyja budzie skaročanaja na 2000 čałaviek. Takuju prapanovu zrabiła samo ministerstva. Skaračacca ŭ asnoŭnym buduć abłasnyja padraździaleńni, jakija nie zajmajucca niepasredna baraćboj sa złačynnaściu.
Navumaŭ kaža, što dla jaho absalutna niepryncypova, jak budzie nazyvacca jaho viedamstva milicyja ci palicyja, ale «na nastupnyja 30 hadoŭ liču niekarektnym stavić hetaje pytańnie, bo ŭ nas jašče zastalisia veterany vajny».
Letaś da kryminalnaj adkaznaści było pryciahnuta bolš za 200 milicyjantaŭ, kala 150 byli asudžanyja da turemnaha źniavoleńnia. Navumaŭ skazaŭ, što inicyjatyva MUS ab zabaronie raśpićcia śpirtnych napojaŭ u hramadzkich miescach nie była padtrymanaja, ale nie ŭdakładniŭ, kim mienavita. U Biełarusi najbolš vysoki siarod susiednich krain pracent raskryćcia asabliva ciažkich złačynstvaŭ – 95%, ale samy mały pa kradziažach – kala 40%.
Što da samoha śviata, to Navumaŭ skazaŭ, što nia lubić nijakija śviaty. «U luby śviatočny dzień ja dumaju: chutčej by budziony dzień, kab adpačyć».
Fota Andreja Lankieviča
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy11
Kamientary