Mižnarodny valutny fond sfarmulavaŭ umovy vydzialeńnia novaha kredytu Biełarusi.
Mižnarodny valutny fond pa vynikach pracy svajoj ahladnaj misii ŭ Minsku sfarmulavaŭ umovy razhladu pytańnia ab mahčymaści finansavaj padtrymki Biełarusi.
Jak paviedamiŭ kiraŭnik misii MVF u Biełarusi Krys Džarvis 5 sakavika na
Pavodle jaho słoŭ, u hetym pytańni z boku fondu isnuje niekalki krokaŭ.Pry hetym, adznačyŭ Džarvis, vyznačeńnie «ab`iomaŭ finansavańnia, jakija mohuć spatrebicca krainie», — adzin z apošnich krokaŭ. Pieršy krok — «vyznačeńnie nieabchodnaj ekanamičnaj palityki i ŭpeŭnienaść poŭnaj jaje padtrymki».
«My pavinny być upeŭnieny, što ludzi i struktury, jakija adkazvajuć za pryniaćcie rašeńniaŭ na samym vysokim uzroŭni, padtrymlivajuć prapanavanyja miery ekanamičnaj palityki. Tamu dla taho kab my mahli pačać razhlad pytańnia ab mahčymaj novaj prahramie supracoŭnictva Biełarusi i MVF,
nam spačatku nieabchodna pierakanacca, što takaja padtrymka prapanavanych mier i reform sapraŭdy isnuje», — padkreśliŭ kiraŭnik misii MVF u Biełarusi.
«Nam taksama budzie nieabchodna ŭpeŭnienaść u tym, što novaja prahrama budzie padtrymana krainami — členami MVF», — dadaŭ jon.
Kamientujučy, jak moža paŭpłyvać abvastreńnie adnosinaŭ Biełarusi ź Jeŭrasajuzam, na rašeńnie MVF ab vydzialeńni kredytu, Džarvis adznačyŭ: «My nie možam pradbačyć, što budzie ŭpłyvać na rašeńnie i pavodziny krain — členaŭ MVF. Sa svajho boku my chacieli b akazać padtrymku Nacyjanalnamu banku i ŭradu ŭ raspracoŭcy nastolki nadziejnaj i abhruntavanaj ekanamičnaj palityki, jakaja była b padtrymana ŭsimi krainami — členami MVF».
«Tolki tady, kali my ŭbačym dobryja pierśpiektyvy taho, što ŭsie dziaržstruktury hatovy buduć akazać poŭnuju padtrymku prahramie, tolki tady my budziem hatovy prakansultavacca z astatnimi krainami — členami MVF, nakolki jany hatovy buduć padtrymać takoje rašeńnie», — patłumačyŭ jon.
Misija MVF na čale z Krysam Džarvisam pracuje ŭ Minsku z 22 lutaha pa 6 sakavika. Ekśpierty praviali tradycyjny štohadovy ahlad situacyi ŭ ekanomicy, jaki pravodzicca va ŭsich krainach — členach MVF. Akramia hetaha, misija vykanała druhi postprahramny manitorynh. Taki manitorynh pravodzicca ŭ dačynieńni da tych krain, jakija atrymlivali bujnyja kredyty ad MVF.
Zapazyčanaść Biełarusi pierad MVF ciapier składaje 3,8 młrd. dołaraŭ.U 2012 hodzie Biełaruś pavinna nakiravać na pahašeńnie źniešniaha dziarždoŭhu bolš čym 1,6 młrd. dołaraŭ. U nastupnyja dva hady (2013–2014) štohadovyja płaciažy pa pahašeńni źniešniaha dziarždoŭhu ŭsim kredytoram pieravysiać 3 młrd. dołaraŭ.
Biełaruskija ŭłady nakiravali ŭ MVF chadajnictva, u jakim prapanavali vydzielić novy kredyt, kab refinansavać najaŭnuju zapazyčanaść. Ab hetym paviedamiła ŭ kancy studzienia žurnalistam kiraŭnik Nacbanka Nadzieja Jermakova.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary