U Zasłaŭi źnikła śviežaje miasa. Handlary kažuć, što tavar prytrymali miasakambinaty ŭ čakańni novaj cany.
Śviežuju śvininu i jałavičynu ŭ Zasłaŭi možna kupić na rynku. Haradskija kramy, jak praviła, pradajuć rasfasavanyja paŭfabrykaty.
U niadzielu na rynku niekalki miasnych paviljonaŭ byli začynienyja. Na adnym była abviestka, što handlovaje miesca zdajecca ŭ arendu, na druhim, što jon začynieny z-za adsutnaści tavaru.
U adzinym adčynienym paviljonie, jaki dahetul handlavaŭ vyklučna śvininaj i jałavičaj, u niadzielu pałova ladoŭni była zaniataja kurynymi tuškami. Pobač lažali śvinyja vantroby, jazyki i kostki. Pradavačka patłumačyła, što ŭžo ŭsio pradała. Na pytańnie, čamu tak mała siońnia miasa i čamu začynienyja astatnija paviljony, adkazała, što zaŭtra čakajecca padaražańnie miasa. A tamu miasakambinaty dali zusim mała tavaru, prytrymaŭšy miasa da novaj cany.
Tym časam, u paviljonach, jakija handlujuć kurynym miasam i paŭfabrykatami, prablem z tavaram nie nazirajecca.
Kamientary