24 krasavika ŭ Babrujskim dramatyčnym teatry imia Dunina-Marcinkieviča prajšła niezvyčajnaja apieracyja pa vyratavańni zajca, jaki trapiŭ u pryjamak budynka. Pra hety vypadak raskazała zahadčyca litaraturnaj častki teatra Taćciana Murmancava, piša Bobr.by.
Kala treciaj hadziny dnia ŭ administracyju teatra źviarnuŭsia małady čałaviek i paprasiŭ dapamohi. Vyśvietliłasia, što jahonaja dziaŭčyna zaŭvažyła, jak dziki zajac trapiŭ u pastku — vuzki pryjamak kala budynka, adkul samastojna vybracca nie moh.
Chłopiec u toj momant jechaŭ ź Minska, ale jak tolki prybyŭ u Babrujsk, adrazu nakiravaŭsia ratavać žyviolinu.
Pavodle słoŭ supracoŭnicy teatra, zajac siadzieŭ nieruchoma i amal nie padavaŭ prykmiet žyćcia, tamu jaho mahli doŭha nie zaŭvažać. Spačatku dumali adkryć akno, jakoje vychodzić usiaredzinu teatra, ale paśla admovilisia ad hetaj idei, bo łavić pierapałochanaha zajca ŭ vialikim pamiaškańni było b značna ciažej.
Tady daviałosia padymać kraty i spuskacca ŭniz. Ratavalnik nakryŭ zajca pościłkaj, jakoj tut zvyčajna źbirajuć liście i hallo. Žyviolina pačała vyryvacca i navat padała hołas, ale mužčyna ŭpeŭniena zaharnuŭ jaje ŭ pałatno i vynies na travu.
Apynuŭšysia na voli, vušasty imkliva paskakaŭ u skvier.
Taćciana Murmancava adznačyła, što, na žal, nie daviedałasia imia hetaha chłopca, ale była vielmi ŭražanaja jahonaj spahadlivaściu i ŭmieńniem abychodzicca ź dzikaj žyviolinaj.
Jana vykazała nadzieju, što zajac adpačyŭ pad kustom da viečara, a nočču padaŭsia ŭ bok Biareziny.
Harbaty kit Cimi žyvy i narešcie kirujecca ŭ Paŭnočnaje mora. Apieracyja pa jaho vyratavańni ciahnułasia dva miesiacy
Litoŭskija pamiežniki pakazali, jak kala miažy ź Biełaruśsiu raku pierapłyvaje miadźviedź VIDEA
U Navapołacku źniali, jak myš u kramie vyłazić pałasavacca katletami VIDEA
Pad Hrodnam naradziłasia aviečka-panda FOTY
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary