A miedyki ŭzdychnuli z palohkaj.
«Śvietły ton skury zaraz bolš aktualny», — kaža Alaksandr Kiryniuk, kiraŭnik sałona pryhažości. Heta tendencyja pryjšła z Zachadu. Na pakazach vysokaj mody čaściej sustrakajucca madelki z «adbielenymi» z dapamohaj makijažu tvarami, čymści taniravanymi ŭ «soniečnyja» adcieńni.
Sam Kiryniuk u salaryj nie chodzić navat zadarma, choć maje jaho pad bokam. Zrešty, biełaruskamu «salarnamu» biźniesu jašče rana zhortvacca.
«Bolšaść dziaŭčat, jakija ŭ hetym nie raźbirajucca, jakija dumajuć, što ryžaja ci ciomnaja skura — heta modna, buduć i dalej chadzić tudy», — miarkuje stylist.
Apantanych zaharełaj skuraj prazvali «tanareksikami» (ad anhł. «tan» — zahar). Tanareksija — heta svojeasablivaja psichałahičnaja zaležnaść ad ultrafijaletu. «Chvarejuć» pieravažna maładyja dziaŭčaty, a taksama tyja, chto naviedvaje salaryj čaściej za 2 razy na tydzień i bolš za 10 chvilin.
Ultrafijaletavaje vypramieńvańnie možna stać pryčynaj raźvićcia raku skury i inšych ankałahičnych zachvorvańniaŭ. Tamu salaryj supraćpakazany ŭładalnikam vialikaj kolkaści radzimak i pihmientnych plamaŭ.
Da taho ž, ultrafijalet razburaje kałahien — białok, adkazny za ełastyčnaść skury, što pryvodzić da fotastareńnia. U vyniku razam z roŭnym zaharam vy ryzykujecie atrymać dadatkovyja 3—5 hadoŭ da vašaha ŭzrostu.
Kali vy ŭsio ž idziacie ŭ salaryj, to treba vykonvać častatu i praciahłaść naviedvańnia, jakija adpaviadajuć vašamu typu skury. A taksama vykarystoŭvać achoŭnuju šapačku dla vałasoŭ, akulary i «ścikini» (nalepki na smočki).
Alternatyvaj salaryju moža być imhnienny zahar. Heta vyjście, kali vam karcić pachvalicca «šakaładnaj» skuraj, ale niama času i žadańnia padstaŭlać cieła pad ultrafijalet. Z dapamohaj admysłovaha pistaleta vas «pafarbujuć» u žadany koler farbaj¬kremam (na asnovie vyciažki z cukrovaha tryśniahu). Takoje «sałodkaje» pakryćcio trymajecca na skury 4 dni i pastupova zmyvajecca. Cana — 180—200 tysiač rubloŭ.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary