Zimoŭski prapanavaŭ zabrać u praciŭnikaŭ Łukašenki hramadzianstva
A to vychodzić, što biazvyjeznaje pražyvańnie ŭ Respublicy Biełaruś źjaŭlajecca ciažkim pakarańniem.
Były kiraŭnik Biełteleradyjokampanii Alaksandr Zimoŭski sarkastyčna prapanavaŭ unieści ŭ biełaruskaje zakanadaŭstva normu, jakaja źmiaščajecca ŭ artykule 18 Zakona ab hramadzianstvie SSSR. Hety artykuł praduhledžvaje pazbaŭleńnie hramadzianstva asoby, jakaja «zrabiła dziejańni, jakija haniać vysokaje zvańnie hramadzianina SSSR i nanosiać škodu prestyžu abo dziaržaŭnaj biaśpiecy SSSR».
«Vynikaje, što biazvyjeznaje pražyvańnie ŭ Respublicy Biełaruś źjaŭlajecca ciažkim pakarańniem. Pryčym mienavita z hetaj nahody ŭ apazicyi i ŭłady poŭny kansensus», — adznačyŭ jon u svaim iraničnym błohu na sajcie «Biełaruskija naviny».
«Jurydyčnaje afarmleńnie prava dziaržavy pazbaŭlać ludziej takoha biassprečnaha ščaścia, jak biełaruskaje hramadzianstva, dazvolić astudzić haračyja hałovy «piataj kałony».
I naadvarot, asoby, asabliva zaciatyja ŭ svaim nieprymańni «kryvavaha režymu», zmohuć realizavać siabie ŭ bolš šyrokim palityčnym poli. Apynuŭšysia ŭ dyjaspary, jany prajaviać siabie ŭ jakaści misijanieraŭ demakratyi, realizujučy svaje samyja śmiełyja zadumy tam, dzie ich nie viedajuć i čakajuć», — miarkuje Alaksandr Zimoŭski.
Ciapier čytajuć
U Biełarusi bolš nie buduć prymać płatnikaŭ u mieduniviersitety. Što pra heta kažuć daktary?1
Kamientary