Karespandenty «Biełsatu» raspytali žycharoŭ Žodzina, čamu ich ziamlak Jaŭhien Litvinkovič, jaki staŭ zorkaju papularnaha šou «Ukraina maje talent», nie zmoh prabicca na biełaruskuju estradu.
Respandenty nazvali roznyja pryčyny: adsutnaść suviaziaŭ, udačy, mahčymaściaŭ, dziaržaŭnaha finansavańnia, niedachop prafiesijanałaŭ, małuju kolkaść biełaruskich televizijnych kanałaŭ. Tolki adna apytanaja vykazała praktyčnuju paradu: «Źviarnuć uvahu na najvyšejšaje kiraŭnictva i źviarnucca tudy, kali jon sapraŭdy talenavity. Nie treba ruk apuskać».
29-hadovy Jaŭhien Litvinkovič vystupiŭ na ŭkrainskim šou (anałahu rasiejskaj «Chviliny słavy») ź pieśniaju «Sweet People», jakuju śpiavačka Alyosha prezientavała na «Jeŭrabačańni-2010». Zała plaskała biełarusu stojačy, a siabry žury pryznali, što Jaŭhien pieśniu vykanaŭ lepiej.
«U rodnaj Biełarusi Ženia nie raz sprabavaŭ prabicca na vialikuju scenu. Adnak paśla čarhovaha rasčaravańnia adkryŭ ułasnuju spravu i vyrašyŭ, što budzie žyć, jak usie. Kali ž da Ženi dakacilisia čutki pra šou, jakoje źmianiaje žyćci dy ažyćciaŭlaje mary, to chłopiec vyrašyŭ ryzyknuć – moža być, heta jahony šaniec», – hetak prezientavali našaha suajčyńnika ŭkraincam. Śpiavak adčyniŭ u rodnym Žodzinie nievialikuju kaviarniu «U Žeki», dzie ŭsio robić sam: hatuje, staić za bar-stojkaju, a taksama śpiavaje ź siabrami karaokie.
Kamientary