Stefanovič: Isnujuć jurydyčnyja padstavy dla vyzvaleńnia Bialackaha
biez prašeńnia ab pamiłavańni.
Pravaabaronca Valancin Stefanovič miarkuje, što jurydyčnymi normami zamacavany niekalki varyjantaŭ vyzvaleńnia Alesia Bialackaha. Navat pry ŭmovie, što jon nie padpiša prašeńnie ab pamiłavańni. Chacia, pa słovach Stefanoviča,
pakul samym realnym zastajecca ŭkaz ab pamiłavańni, jaki, jak pakazała praktyka, Łukašenka padpisvaje i biez prašeńniaŭ.
Pryhadajem, jak u 2008-m na svabodu vyjšli Alaksandr Kazulin, Siarhiej Parsiukievič. Letaś — Alaksandr Atroščankaŭ, Mikita Lichavid.
Druhi varyjant — umoŭna-daterminovaje vyzavaleńnie. Ale dla UDV Alesiu Bialackamu treba adsiadzieć nie mienš za dźvie traciny terminu — 3 hady. Ale heta moža adbycca tolki ŭ 2014-m.
Ź jurydyčnaha punktu hledžańnia samym prostym sposabam Bialackaha možna vyzvalić pa prateście staršyni Minskaha haradskoha suda. Pa vyniku razhladu nahladnaj skarhi prysud moža być zamienieny ŭ častcy sankcyj. Heta značyć,
pazbaŭleńnie svabody moža być zamieniena na abmiežavańnie svabody na termin, jaki Bialacki ŭžo adsiadzieŭ.
I pravaabaroncu možna vypuścić na svabodu.
Nahladnaja skarha padadziena ŭžo. Kali ciapier ničoha nie źmienicca, to zatym taki pratest moža vynieści staršynia Viarchoŭnaha suda.
Valancin Stefanovič pryhadvaje vypadak z vyzvaleńniem Artura Fińkieviča akurat takim čynam. U śniežni 2007-ha moładzievy aktyvist byŭ asudžany na 1,5 hoda kałonii ahulnaha režymu nibyta za ŭchileńnie ad adbyćcia pakarańnia (adbyvaŭ dva hady «chimii» za palityčnyja hrafici). Pry razhladzie kasacyjnaj skarhi Mahiloŭskim abłasnym sudom u lutym 2008 prakuror zapatrabavaŭ źmianić pazbaŭleńnie voli na 6 miesiacaŭ «chimii». Adzin dzień u turmie zaličvajecca za dva na «chimii». Sudździa padtrymaŭ prakurora. I Fińkieviča vypuścili paśla zaviaršeńnia sudovaha pasiadžeńnia.
Aleś Bialacki asudžany na 4,5 hoda kałonii ŭzmocnienaha režymu. Jaho abvinavacili va ŭchileńni ad upłaty padatkaŭ u bujnych pamierach. Heta hrošy, jakija jon źbiraŭ na svaje rachunki dla dapamohi represavanym.
* * *
Aleś Bialacki znachodzicca ŭ kałonii ŭ Babrujsku. Jamu možna napisać list:
213807, Mahiloŭskaja vobł., h. Babrujsk, vuł. Sikorskaha, 1, Papraŭčaja kałonija № 2, atrad № 14.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary