«Die Presse»: jak Telekom dy Raiffeisen finansujuć biełaruskuju prapahandu

«U toj čas, kali łukašenkaŭ režym vykonvaje śmiarotnyja pakarańni i katuje apazycyju, aŭstryjskija kancerny Raiffeisen Bank International i Telekom Austria finansujuć dziaržaŭnuju spartovuju prapahandu ŭ Biełarusi»,

Pavodle Die Presse, złoŭžyvańnie sportam u metach prapahandy režymu, zrazumieła, «adna z samych biasškodnych prajavaŭ dyktatury». Asabliva na tle taho, što «za kratami ciapier utrymlivajecca bolš za dziesiatak palitźniavolenych», što pa-raniejšamu robicca «žorstki cisk na apazycyju» i vynosiacca «śmiarotnyja vyraki» ŭ vyhladzie rasstrełaŭ.

Vidavočna adnak i toje, što pry ciapierašnim roście inflacyi ŭ krainie, niaspynnym padzieńni dachodaŭ siarod nasielnictva, mižnarodnaj izalacyi Biełarusi, układać stolki hrošaj, kolki i raniej u sport dziaržav ŭžo nia moža.

Jak paviedamlaje Die Presse, ciapier «hetaja spartovaja prapahanda mocna abapirajecca finansava na niekatoryja viadučyja aŭstryjskija kampanii. Naprykład, bank Raiffeisen International dy telekamunikacyjny chołdynh Telekom Austria. Jany spansujuć niekalki spartyŭnych klubaŭ dy abjadnańniaŭ u Biełarusi, i nia mohuć nia viedać, što takim čynam padtrymlivajuć antydemakratyčny režym ŭ krainie».

U razmovie ź niadzielnym vydańniem hazety «Die Presse» – «Presse am Sonntag» menedžer Raiffeisen Michael Palcer paćvierdziŭ, što daččynaja firma banku ŭ Biełarusi — Pryjorbank, spansuje biełaruskuju chakiejnuju federacyju. Pry hetym Palcer, zrazumieła, nie nazvaŭ sumu. Jon tolki adznačyŭ, što padstavaj dla sponsarstva stała toje, što «chakiej źjaŭlajecca adnym z samych papularnych vidaŭ sportu ŭ krainie, a ŭ 2014 hodzie tut adbudziecca čempijanat śvietu».

Adrozna ad Raiffeisen Telekom Austria praz svaju daččynuju firmu — aperatara mabilnaj suviazi Velcom spansuje biełaruskuju tenisnuju federacyju, chakiejny klub «Junactva» i paralimpijski kamitet. Jak patłumačyła vydańniu presavy sakratar Telekom Austria Hudrun Cymierl, usio heta robicca «u adpaviednaści z brend-stratehijaj kampanii».

Tym časam EZ nia ličyć, što sport u Biełarusi nie zaležny ad palityki. Pryniatyja sioleta ŭ sakaviku ŭ Bruseli sankcyi suprać režymu tyčacca taksama i dvuch blizkich da atačeńnia Łukašenki biełaruskich aliharchaŭ — sponsara prezydenckaha spartovaha klubu Anatola Tarnaŭskaha i prezydenta futbolnaha klubu «Dynama» (Miensk) dy staršyni federacyi volnaj baraćby Juryja Čyža.

• 0
• 0
• 0
• 0
• 0
• 0
• 0
• 0