Bili Novik i jaho hurt jašče ŭ dzievianostyja staŭ lubimaj zabaŭkaj picierskaj intelihiencyi, jakaja zaŭždy słaviłasia vialikaj (i, darečy, niepadzielnaj) luboŭju da Toma Uejtsa — vialikaha amierykanskaha paeta-ałkaholika, muzyki i amatra Čarlza Bukoŭskaha. Ad pačatku Billy's Band tak i hastralavaŭ z rasiejskimi pierakładami pieśniaŭ Uejtsa, prahramaj «hulni ŭ Toma Uejtsa» i byŭ chedłajnieraŭ kłubnych mierapryjemstvaŭ, pryśviečanych sami razumiecie kamu. Paśla kapialuš Toma Uejtsa staŭ dla Bili Novika troški ciesnym, jon pačaŭ pisać ułasnyja pieśni, źmianiŭ skład hurtu, ale «uejtsaŭščynka» u im zastałasia — pamiž pieśniami Bili lubić pad kantrabas raspavieści bajku-druhuju — jak vyśviatlajecca, pierakłady bajek usio taho ž maestra.
Pahladzieć i pasłuchać Billy's Band možna budzie 17 maja ŭ kłubie Re:Public. Pa-pieršaje, skład u hurtu ciapier vydatny jak nikoli, pa-druhoje, ułasnyja pieśni Bili ŭvahi vartyja dakładna, a pa-treciaje — i hetaha škada bolš za ŭsio — Tom Uejts da nas usio adno nikoli nie dajedzie.
Kamientary