I dzie najtańniej?
Chutka pa ŭsioj Biełarusi prahrymiać vypusknyja dla školnikaŭ. Jak bieź vialikich vydatkaŭ stvaryć ekskluziŭny vypuskny ŭbor? Hetym pytańniem zadałasia karespandent «Narodnaj haziety», a taksama vyrašyła prajścisia pa staličnych kramach i rynkach, vyvučyć asartymient sukienak i kaściumaŭ dla vypusknoha balu.
Bolšaść dziaŭčat razumiejuć — dla takoj nahody, jak vypuskny bal, najlepš budzie pasavać kłasičny ŭbor.
Stylisty ličać: nie varta ŭ hety dzień ekśpierymientavać z ułasnaj źniešnaściu i nabyvać niešta kryklivaje i šakujučaje.Sukienki mienavita ŭ takim styli prapanoŭvalisia ŭ adnym z staličnych bucikaŭ.
«Pahladzicie, kolki strazaŭ, vałanaŭ i aborak! — skazała adna ź dziaŭčat, pakazvajučy siabroŭkam na sukienki. — Byli b dobryja dla mieksikanskaha karnavału». I kaštavali jany niamała: madel da ščykałatki — čatyry miljony, z spadnicajsonca-kloš da kalena — try miljony rubloŭ.
Vybar u adnym sa staličnych univiermahaŭ apynuŭsia dosyć vialikim. Madeli praściejšyja, čym u firmovaj kramie, ale i ceny bolš dastupnymi. Padabrać ubor dla vypusknicy tut možna za
Ja pacikaviłasia ŭ pradaŭca,
ci buduć źnižki na sukienki bližej da vypusknoha balu?Bo ŭžo praz 2–3 tydni paśla ŭračystaści popyt na takoje adzieńnie vidavočna ŭpadzie.
— Źnižak nie budzie, u nas hety tavar niadrenna biaruć i na inšyja mierapryjemstvy — viasielli i dni naradžeńnia, — raspaviała rabotnik kramy. — Ceny ŭ nas bolš dastupnyja, čym na rynku abo ŭ buciku.
Na handlovych šerahach Ždanovickaha rynku — sukienki na luby hust. Cana ad siamisot tysiač da piaci miljonaŭ rubloŭ.Ale ŭ tannych madelach i jakaść pašyvu horšaja. Traplajucca kryvyja švy, niaroŭna pryšyta taśma, strazy, jak praviła, pryleplenyja i trymajucca nietryvała.
Napeŭna, samym ekskluziŭnym stanie ŭbor, pašyty pa ŭłasnym eskizie. Takoha ŭžo sapraŭdy ni ŭ kaho nie budzie.
U staličnym atelje «Fijałka» majstry pašyjuć vypuskny ŭbor za miesiac. Kaštavać heta budzie 500 tysiač rubloŭ. Terminy vykanańnia zamovy mohuć być skaročanyja na dva tydni, ale abyjdziecca heta na 40 pracentaŭ daražej.
U hłybincy ceny nie tak «kusajucca». U atelje horada Kamianca sukienku dla vypusknoha viečara pašyjuć za 20 dzion i voźmuć za heta 120–130 tysiač rubloŭ.
Pobač z Łukašenkam na chakiei źjaviłasia novaja pryhažunia10
Kamientary