Na miažy bankructva apynułasia jašče adno pradpryjemstva budaŭničaj haliny Viciebska.
AAT «Viciebski haradski budaŭničy trest», bolš viadomaje pad staroj nazvaj «473 UNR», padało adpaviednuju zajavu ŭ Haspadarčy sud Viciebskaj vobłaści.
Byłaja vajennaja
Haspadarčym sudom Viciebskaj vobłaści raspačataja vytvorčaść pa spravie ab ekanamičnaj niepłaciežazdolnaści AAT «Viciebski haradski budaŭničy trest». Praz dva miesiacy budzie kančatkova vyrašana, što rabić z trestam dalej — likvidavać abo padviarhać pracedury sanacyi. Viciebski harvykankam, jaki źjaŭlajecca trymalnikam 99,25% akcyj pradpryjemstva, pryznaŭ niemetazhodnym jaho dasudovaje azdaraŭleńnie. Darečy, u kamunalnuju ŭłasnaść Viciebska akcyi pradpryjemstva biazvypłatna byli pieradadzienyja tolki ŭ 2010 hodzie. Da hetaha momantu budaŭničaja arhanizacyja ŭžo viała niezajzrosnaje isnavańnie. Najaŭnaść ustojlivaj niepłaciežazdolnaści pradpryjemstva pačałasia bolš za piać hadoŭ tamu, kali jano jašče znachodziłasia ŭ respublikanskaj ułasnaści. Z hoda ŭ hod trest pracavaŭ ź niaźmienna admoŭnym vynikam. Tak, za 2011 hod straty pradpryjemstva pieravysili 5 młrd rubloŭ, a hodam raniej pradpryjemstva było ŭ minusie amal na 2,4 młrd Novyja zakazy nie dazvalali vypravić stanovišča. Praz toje, što nie było svabodnych srodkaŭ, pastajanna byli prablemy z nabyćciom budaŭničych materyjałaŭ, zryvalisia terminy zdačy abjektaŭ i ros košt budaŭnictva. Praź nizkija zarobki naziraŭsia pastajanny adtok kadraŭ.
Ciapier u trest pryznačany antykryzisny kiraŭnik, jakomu treba budzie skłaści rejestr kredytoraŭ i pazykovych abaviazańniaŭ akcyjaniernaha tavarystva, a taksama zrabić zachady pa zachavańni jaho majomaści.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary