Na padstavie zakanadaŭstva, pavodle jakoha hramadzianie, što adbyvajuć pakarańnie, nie majuć prava bałatavacca ŭ deputaty.
U akruhovaj kamisii № 52 Haradzienskaj sielskaj akruhi patłumačyli, što dakumenty Statkievič pieradaŭ pavodle davieranaści, jakaja była zavieranaja načalnikam viaźnicy. A admovili ŭ rehistracyi na padstavie zakanadaŭstva, pavodle jakoha hramadzianie, jakija adbyvajuć pakarańnie, nia majuć prava balatavacca ŭ deputaty.Pra heta «Svabodzie» paviedamiła pravaabaronca Śviatłana Rutkoŭskaja, jakaja prysutničała na pasiedžańni kamisii.
Pavodle Rutkoŭskaj, dakumenty Statkieviča razhladali apošnimi. Staršynia kamisii navat udakładniła, što raiłasia z Centravybarkamam nakont rehistracyi kandydatury Statkieviča, i tam joj paćvierdzili, što rašeńnie pryniata pravilnaje.
Taksama na pasiedžańni akruhovaj kamisii było abvieščana, što ŭ inicyjatyŭnuju hrupu Statkieviča zapisanyja 114 čałaviek — usie jany adbyvajuć pakarańnie ŭ toj samaj viaźnicy, što i Statkievič.
Astatnija čatyry inicyjatyŭnyja hrupy ŭ Haradzienskaj sielskaj akruzie № 52 byli zarehistravanyja.
Na Mahiloŭščynie, pavodle paplečnika asudžanaha palityka Alaksandra Ircho, dakumenty na rehistracyju inicyjatyŭnych hrup padavalisia ŭ 11 z 13 vybarčych kamisijaŭ rehijonu.
Aktyvist zaznačaje, što ŭva ŭsich kamisijach na momant padačy dakumentaŭ viedali, chto taki Mikałaj Statkievič: «Kali prymali dakumenty šarahovyja siabry kamisii, to prahladzieŭšy ich pytali: „A heta toj Statkievič, jaki siadzić?“ i adrazu bralisia telefanavać sakrataru, ci staršyni kamisii.Siabra adnoj z kamisij mnie paviedamiŭ, što kali pryjaždžała ŭ Mahiloŭ Jarmošyna, kazała, kab kamisii dakumenty Statkieviča prymali, a potym admaŭlali ŭ rehistracyi na toj padstavie, što jon nia maje prava balatavacca, bo asudžany. U adnoj z kamisijaŭ admovilisia brać dakumenty, kali ž ja admoviŭsia ich zabirać nazad, to ich vykinuli ŭ śmietnicu. Tut była parušana instrukcyja Jarmošynaj, bo treba było pryniać dakumenty, a potym dać rašeńnie pa ich razhladzie. U Babrujsku sakratar adnoj z kamisijaŭ pryhraziŭ mnie, što, kali b jaho była vola jon by na mianie za dakumenty Statkieviča paskardziŭsia ŭ prakuraturu».
U akruhovych kamisijach paćviardžajuć, što admaŭlali ŭ rehistracyi inicyjatyŭnych hrup Statkieviča, bo ichny vyłučeniec pavodle zakanadaŭstva nia maje prava balatavacca na deputactva, bo asudžany j znachodzicca za kratami.
Hladzi taksama: Inicyjatyŭnuju hrupu aŭtara «Musarka»-«Zmaharka» nie zarehistravali
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary