Praparščyk minskaj milicyi 9 hadoŭ ździajśniaŭ raspusnyja dziejańni sa svajoj padčarycaj
Milicyjanier pačaŭ ździajśniać raspusnyja dziejańni, kali dziaŭčyncy było 5 hadoŭ.
Śledčym kamitetam zaviedziena kryminalnaja sprava ŭ dačynieńni da praparščyka staličnaj milicyi, jaki ciaham 9 hadoŭ ździajśniaŭ raspusnyja dziejańni ŭ dačynieńni da svajoj padčarycy.
Imia padazronaha nazvać nielha, heta nie ŭ intaresach paciarpiełaj. Adznačym, što praparščyk davoli praciahły čas pracavaŭ u orhanach unutranych spraŭ i dobra siabie zarekamiendavaŭ.
Kryminalnaja sprava ŭ dačynieńni da supracoŭnika milicyi była zaviedziena pa materyjałach Hałoŭnaha ŭpraŭleńnia ŭłasnaj biaśpieki MUS. Jakim čynam apieratyŭnikam HUUB udałosia daviedacca pra takija «ŭčynki» praparščyka, pakul nie jasna. Chutčej za ŭsio, pra heta daviedalisia abo žonka padazravanaha, abo niechta z školnych piedahohaŭ, paśla čaho paśledavaŭ zvarot u adpaviednyja orhany.
Pavodle papiaredniaj infarmacyi, praparščyk pačaŭ ździajśniać raspusnyja dziejańni ź dziaŭčynkaj, kali joj jašče było ŭsiaho 5 hadoŭ. Na praciahu 9 hadoŭ jon pieryjadyčna rabiŭ sa svajoj padčarycaj seksualnyja ŭciechi, uvieś hety čas trymajučy ŭsio ŭ sakrecie.
Praŭda adkryłasia ŭ krasaviku 2012 hoda, paśla čaho HUUB MUS zaniałasia pravierkaj źviestak. Pravierka doŭžyłasia bolš za dva miesiacy, i ŭsie padazreńni apieratyŭnikaŭ znajšli svajo paćvierdžańnie.
Zaraz praparščyk zatrymany. Jamu inkryminujecca ździajśnieńnie złačynstva, praduhledžanaha č.1 art.169 Kryminalnaha kodeksa Biełarusi (raspusnyja dziejańni, učynienyja asobaj, jakaja dasiahnuła vasiemnaccacihadovaha ŭzrostu, u adnosinach da asoby, jakaja zaviedama nie dasiahnuła
Sankcyja hetaha artykuła praduhledžvaje pakarańnie da 3 hadoŭ pazbaŭleńnia voli.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary