Praz padkop i kalučy drot: litoŭskija pamiežniki zatrymali 18 nielehalnych mihrantaŭ
18 nielehalnych mihrantaŭ, jakija sprabavali praniknuć u Litvu ź Biełarusi praz padkop u Varenskim rajonie, što miažuje z Hrodzienskim rajonam.
17 mihrantaŭ pradstavilisia hramadzianami Afhanistana. Tolki ŭ 3 ź ich byli pašparty hetaj krainy, u astatnich dakumientaŭ nie było. Jašče adzin mihrant zajaviŭ pahraničnikam, što jon hramadzianin Šry-Łanki, ale taksama nie mieŭ dakumientaŭ, piša Delfi.lt.
Dla ŭsich 18 zatrymanych, jak heta robicca zaŭsiody, była praviedziena indyvidualnaja acenka. U chodzie acenki pahraničniki ŭstanavili, što nijakaj pahrozy dla zamiežnikaŭ niama. Paśla razhladu ŭsich abstavin było pryniata rašeńnie nie dapuskać hetych mihrantaŭ u Litvu i viarnuć ich u Biełaruś u adpaviednaści z zakonam.
Niepadalok ad miesca zatrymańnia zamiežnikaŭ na miažy ź Biełaruśsiu pahraničniki spynili aŭtamabil Audi A6 ź litoŭskimi numarami. Za rulom znachodziŭsia 41‑hadovy hramadzianin Ukrainy ŭ supravadžeńni 33‑hadovaj hramadzianki Ukrainy.
Pavodle papiarednich źviestak, hetyja asoby, jakija lehalna znachodzilisia ŭ Litvie, prybyli, kab zabrać 7 mihrantaŭ, jakija pranikli ŭ krainu paŭzkom. Hramadzianie Ukrainy byli zatrymanyja pahraničnikami.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary