Isnuje vierahodnaść taho, što čempijanat Nacyjanalnaj chakiejnaj lihi 2012/13 budzie całkam admienieny, paviedamlaje ekśpiert TSN Daren Drehier u svaim błohu.
Pa słovach Drehiera, heta paćviardžajuć krynicy jak u lizie, tak i ŭ Asacyjacyi hulcoŭ, jakija ciapier viaduć pieramovy nakont novaj Kalektyŭnaj damovy. Termin raniejšaj damovy zaviaršajecca 15 vieraśnia, paśla čaho moža być abvieščany łakaŭt.
NCHŁ nastojvaje na skaračeńni zarobkaŭ, tady jak Asacyjacyja ličyć, što skaračeńnie zarobkaŭ nie vyrašyć prablemy, tak jak finansavuju sistemu treba ŭ korani pierahledzieć.U toj ža čas hulcy hatovyja pajści na peŭnyja skaračeńni, ale raściahnuć ich pa časie.
Jašče adzin važny aśpiekt, pa jakim baki nie mohuć damovicca, — terminy kantraktaŭ. Isnuje vierahodnaść, što dziejučyja pahadnieńni buduć pierahledžany, što nie zadavalniaje hulcoŭ. Akramia taho, liha choča pavialičyć termin kantraktaŭ pačatkoŭca z 3 da 5 hadoŭ, što taksama nie zadavalniaje Asacyjacyju, paviedamlaje sports.ru.
Čempijanat Nacyjanalnaj chakiejnaj lihi byŭ zasnavany 19 śniežnia 1917 h.Tady ŭ im hulali čatyry kamandy: «Manreal Kanadyjens», «Manreal Uondererz», «Taronta Arenas» i «Atava Sienatars».
Ź siezona 2000/2001 hh. u NCHŁ hulajuć 30 kamandaŭ, raźbityja na šeść dyvizijonaŭ (dźvie kanfierencyi), što zmahajucca za Kubak Stenli.
Łakaŭt užo mieŭ miesca ŭ NCHŁ. Pieršy praz u 1994/1995 hh., tady zabastoŭka doŭžyłasia try miesiacy, i siezon pačaŭsia sa spaźnieńniem. U 2004/2005 hh. siezon byŭ całkam admienieny.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary