Toje paciapleńnie, jakoje nazirajecca ciapier, heta tolki viartańnie letniaha nadvorja.
Babina leta ŭ Biełarusi jašče napieradzie, paviedamiła hałoŭny sinoptyk Respublikanskaha hidramieteacentra Ludmiła Paraščuk.
«Babina leta — heta asieńniaja źjava, a vosień u nas nadyšła tolki kalandarnaja, ale nie astranamičnaja. Toje paciapleńnie, jakoje nazirajecca ciapier, heta tolki viartańnie letniaha nadvorja, a babina leta nastanie ŭ krainie, chutčej za ŭsio, na nastupnym tydni», — adznačyła hałoŭny sinoptyk krainy.
Biełaruś u paraŭnańni z Rasijaj terytaryjalna nie takaja vialikaja, ale roźnica va ŭmovach nadvorja ŭ rehijonach usio ž isnuje.
«Na poŭdni i paŭdniovym uschodzie krainy ŭžo možna raźličvać na ŭstalavańnie taho nadvorja, jakoje nazyvajecca babinym letam, a ŭ paŭnočnyja rajonyadznačyła Ludmiła Paraščuk.z-za ŭpłyvu frantalnych raździełaŭ jano pryjdzie paźniej», —
Niaźmiennymi atrybutami babinaha leta źjaŭlajucca nie tolki ciopłaje soniečnaje nadvorje, ale i latajučaje pavucińnie, a taksama bahaćcie asieńnich farbaŭ.
Zvyčajna babina leta pačynajecca paśla karotkačasovaha pachaładańnia — u siaredzinie abo kancy vieraśnia, a časam navat u pačatku kastryčnika.Praŭda, prykładna raz u siem hadoŭ babinaha leta nie byvaje. Jano moža pradaŭžacca ad niekalkich dzion da dvuch tydniaŭ, a časam i bolš. U 1975 hodzie babina leta ŭ Minsku pačałosia 8 vieraśnia i pradaŭžałasia ceły miesiac. Časam možna nazirać niekalki pieryjadaŭ babinaha leta. Naprykład, u 1966 hodzie pieršy ciopły pieryjad byŭ z 12 pa 18 vieraśnia, druhi — z 1 pa 13 kastryčnika i treci — z 16 pa 25 kastryčnika. Vosieńniu 2005 hoda było dva pieryjady babinaha leta — z 1 pa 15 vieraśnia i z 27 vieraśnia pa 7 kastryčnika.-0-
Čamu YouTube vydaliŭ kanały BiełTA, STB i ANT? Voś što viadoma11
Kamientary