Navukoŭcy ź Mielburnskaha ŭniviersiteta raspracavali novuju technałohiju.
U ramkach daśledavańnia aŭtary pakryli nanačaścinkami mietaličnyja śfiery, nahreli ich i apuścili ŭ vadu pakajovaj tempieratury. Dziakujučy ŭźnikłaj vodanieprymalnaj ułaścivaści kipieńnie adbyvałasia biez utvareńnia hazu.
Apisanaja źjava mahčymaja dziakujučy tak zvanamu efiektu Lejdenfrosta, za košt jakoha vadkaść pry peŭnaj tempieratury atačajecca barjeram z pary, što pieraškadžaje vykipańniu. Dla vady hetaja tempieratura składaje kala 197 hradusaŭ Celsija, adnak varjujecca ŭ zaležnaści ad navakolnych umovaŭ i składu vadkaści. Kali tempieratura vyšejšaja za punkt Lejdenfrosta, nazirajecca paskoranaje vypareńnie, kali nižejšaja — paravy barjer nie ŭtvorycca.
Navukoŭcy pakazali, što, kali nadać pavierchni ćviordaha cieła mocnyja vodanieprymalnyja ŭłaścivaści, to punkt Lejdenfrosta možna panizić da tempieratury kipieńnia vadkaści. U teoryi taksama mahčymaja stabilizacyja płasta pary na miažy vadkaści pry tempieratury, nižejšaj za tempieraturu kipieńnia, adnak dasiahnuć hetaha efiektu pakul nie ŭdałosia.
Praktyčna prymianić technałohiju možna pry stvareńni sudoŭ, jakija zmohuć značna pavialičyć chutkaść pieramiaščeńnia pa vadzie abo pad jaje pavierchniaj.
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary