Z krytyčnaj zajavaj z nahody parłamienckich vybaraŭ, što prajšli ŭ Biełarusi, vystupili 24 vieraśnia viarchoŭny pradstaŭnik Jeŭrasajuza pa zamiežnych spravach i palitycy biaśpieki Ketryn Eštan i jeŭrakamisar pa pytańniach pašyreńnia i palityki dobrasusiedstva Štefan Fiule.
«Učarašnija parłamienckija vybary stali jašče adnoj upuščanaj mahčymaściu dla praviadzieńnia vybaraŭ u adpaviednaści ź mižnarodnymi standartami», — havorycca ŭ sumiesnaj zajavie.
ES «uvažliva sačyŭ za raźvićciom situacyi padčas daterminovaha hałasavańnia i ŭ dzień vybaraŭ». Kiraŭniki Jeŭrasajuza adznačajuć «niekatoryja palapšeńni ŭ vybarčym pracesie», u pryvatnaści źmianieńni ŭ Vybarčym kodeksie, «adnak, na žal, vybary prachodzili na fonie ahulnaha klimatu represij i zapałochvańnia».
«My havorym pra adznaku vybaraŭ z boku BDIPČ, što jany nie byli spraviadlivymi, pry hetym klučavyja abaviazacielstvy [krainy] u ramkach ABSIE nie byli całkam vykananyja, uklučajučy prava hramadzian na svabodu asacyjacyj, stanavicca kandydatami i prava na svabodu vykazvańnia», — havorycca ŭ zajavie.
Eštan i Fiule zaklikali Minsk raspačać kroki dla poŭnaha vykanańnia Biełaruśsiu svaich mižnarodnych abaviazacielstvaŭ u adnosinach da demakratyčnych pryncypaŭ i pravoŭ čałavieka. Jany vykazali hatoŭnaść spryjać Biełarusi ŭ dasiahnieńni hetaj mety.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary