Patrabujem spynić ucisk: pratestanty zastupajucca za palitviaźnia Daškieviča
Carkva Chryścijan viery jevanhielskaj «Jan Pradvieśnik» źviarnułasia z adkrytym listom u Departamient vykanańnia pakarańniaŭ MUS, Hienieralnuju prakuraturu, Administracyju prezidenta z pryčyny situacyi vakoł palitviaźnia Źmitra Daškieviča,jaki ciapier znachodzicca ŭ papraŭčaj kałonii № 20 u Mazyry i byŭ vymušany abviaścić haładoŭku pratestu.
«Źmicier Daškievič, — havorycca ŭ liście, — źjaŭlajecca vierujučym chryścijaninam, členam Carkvy chryścijan viery jevanhielskaj „Jan Pradvieśnik“ z 2006 h. Vyklikaje nierazumieńnie i tryvohu, što pradstaŭniki administracyi Mazyrskaj papraŭčaj kałonii № 20 dazvalajuć sabie źniavažliva vykazvacca adnosna chryścijanskaj kanfiesii, jakaja pradstaŭlena ŭ Biełarusi amal 1000 zarehistravanych abščyn i abjadnoŭvaje ŭ svaich šerahach dziasiatki tysiačaŭ viernikaŭ.
(…) Kanstytucyja Respubliki Biełaruś śćviardžaje, što dziaržava zabiaśpiečvaje niedatykalnaść i hodnaść asoby».
U liście zaznačajecca, što hod tamu, 26 vieraśnia 2011 h., užo źjaŭlałasia padobnaja infarmacyja pra cisk i pieraśled z boku administracyi Horackaj papraŭčaj kałonii № 9, paśla praviadzieńnia pravierak i pieravodu Źmitra Daškieviča ŭ Hłybockuju papraŭčuju kałoniju № 13 skarhaŭ padobnaha rodu nie pastupała.
«U suviazi z vyšej ukazanaj infarmacyjaj prosim pravieści ŭsiebakovaje rasśledavańnie faktaŭ niepravavych dziejańniaŭ administracyi Mazyrskaj papraŭčaj kałonii № 20 u dačynieńni Źmitra Daškieviča.
Patrabujem spynić cisk, jaki akazvajecca na Źmitra Daškieviča, vyjavić i pakarać vinavatych u hetym słužbovych asobaŭ, a taksama zrabić zachady dziela niedapuščeńnia paŭtareńnia padobnych faktaŭ u budučyni», -- havorycca ŭ liście.
-
Koŭł uźniaŭ pytańnie pra novyja aryšty. «To-bok my vyzvalajem 10 čałaviek, a jany aryštoŭvajuć jašče 10»
-
«Pałkoŭnik prynios mnie novyja krasoŭki». Valancin Stefanovič z «Viasny» raskazaŭ, jak ich rychtavali da vyzvaleńnia
-
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja45
Kamientary