Alaksandr Łukašenka 22 kastryčnika znoŭ pryniaŭ z dakładam staršyniu praŭleńnia Nacyjanalnaha banka Nadzieju Jermakovu.
«Zusim niadaŭna my kanstatavali fakt, što nam udałosia ŭ niejkaj stupieni pierałamać choć nievialikija, ale niehatyŭnyja tendencyi na valutnym rynku, źviazanyja pierš za ŭsio z čutkami i palitykaj,— adznačyŭ jon. — Chacieŭ by, kab vy ŭ dynamicy raspaviali pra toje, što adbyvajecca na valutnym rynku na siońniašni dzień, ci raźvivajecca heta tendencyja na palapšeńnie».
«My pavinny śviata prytrymlivacca taho kursu, jaki my paznačyli i abviaścili narodu. Ludzi pavinny absalutna razumieć nas i vieryć.Kali Nacyjanalny bank abviaščaje takuju palityku, to jaje treba i prytrymlivacca», — padkreśliŭ Alaksandr Łukašenka.
Łukašenka taksama pacikaviŭsia acenkami Nadziei Jermakovaj pracy biełaruskaj ekanomiki ŭ cełym, asabliva ŭ pytańni ekspartnych pastavak:
«Jak u nas raźvivajecca situacyja, što z zapazyčanaściu pierad našymi pradpryjemstvami?Bo byli fakty, kali vyručka nie svoječasova viartałasia ŭ krainu».
Jak paviedamiła kiraŭnik Nacbanka, zapłanavanyja na 2012 hod pakazčyki vykonvajucca:«Inflacyja znachodzicca ŭ ramkach zapłanavanaj. Sa studzienia pa 16 kastryčnika indeks cen skłaŭ 117,1%. Siaredniamiesiačny pryrost — 1,7%. Pry hetym bazavaja inflacyja skłała tolki 14,1%. A rost administracyjna rehulavanych cen i cen na aharodninnuju pradukcyju, jakija źviazany ź siezonnaściu, skłaŭ 21,6%». «Heta značyć, manietarnymi i rynkavymi mietadami inflacyja ŭtrymlivajecca. Heta taja palityka, jakaja była vyznačanaja», — adznačyła Nadzieja Jermakova.
«Na valutnym rynku, uličvajučy padatkovyja dni i toje, što Nacyjanalny bank manietarnymi mietadami ścisnuŭ hrašovuju masu, resursnuju bazu bankaŭskaj sistemy, situacyja taksama palepšyłasia. U čaćvier, piatnicu i siońnia Nacbank užo kuplaŭ valutu, i takim čynam ŭmacavaŭsia biełaruski rubiel», — skazała kiraŭnik Nacbanka.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary