Maci pakaranaha za saŭdzieł u teraryźmie Uładzisłava Kavalova atrymała adkaz z Hienieralnaj prakuratury Biełarusi na svoj zvarot da hienprakurora z patrabavańniem zabiaśpiečyć jaje kanstytucyjnyja pravy.
Nahadajem, na praciahu niekalkich miesiacaŭ Luboŭ Kavalova źviartałasia ŭ SIZA KDB i asabista da staršyni Kamiteta dziaržbiaśpieki Vadzima Zajcava, sprabujučy vyśvietlić, dzie znachodziacca zapisy syna, jakija jon vioŭ u sudzie i na sustrečach z advakatam. Ni na adzin sa zvarotaŭ piśmovaha adkazu jana nie atrymała. Tamu žančyna źviarnułasia da hienieralnaha prakurora Alaksandra Kaniuka, dabivajučysia vykanańnia ŭ dačynieńni da siabie art. 40 Kanstytucyi. Jon abviaščaje: «Kožny maje prava nakiroŭvać asabistyja abo kalektyŭnyja zvaroty ŭ dziaržaŭnyja orhany. Dziaržaŭnyja orhany, a taksama słužbovyja asoby abaviazany razhledzieć zvarot i dać adkaz pa sutnaści ŭ vyznačany zakonam termin. Admova ad razhladu padadzienaj zajavy pavinna być piśmova matyvavanaj».
Ź jaho vynikaje, što parušeńniaŭ dziejnaha zakanadaŭstva ŭ historyi sa zvarotami ŭ KDB «nie ŭstanoŭlena». Adpaviedna, «padstaŭ dla prymianieńnia mier prakurorskaha reahavańnia niama».Adkaz, atrymany Kavalovaj z Hienprakuratury, padpisany načalnikam adździeła pa nahladzie za vykanańniem zakanadaŭstva i dziaržaŭnaj biaśpieki V.I.Šulakom.
«Ja nie zadavolena takim adkazam. Ciapier mahu źviartacca ŭ sud. Ale nie budu, bo paśla sfabrykavanaha abvinavačańnia ŭ dačynieńni da majho syna i Dźmitryja Kanavałava, a zatym vyniasieńnia niepravasudnaha pryhavoru pierakanałasia ŭ adsutnaści niezaležnaha suda ŭ našaj krainie», — zajaviła Kavalova BiełaPAN.
Jana ličyć, što adbyŭsia «zvyčajny kradziež». Heta tyčycca i źnikłych zapisaŭ syna i jaho davieranaściaŭ, jakija jon rychtavaŭ dla maci.
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary