Delehacyja apazicyi i niezaležnych ekśpiertaŭ praviała sustrečy ŭ viedamstvie fiederalnaha kanclera, MZS i Bundestahu.
Hałoŭnaj padziejaj była dyskusija pra sytuacyju ŭ Biełarusi paśla minułych vybaraŭ, jakuju naładziŭ Fond Konrada Adenaŭera.
U składzie biełaruskaj delehacyi Berlin naviedali lider Abjadnanaj hramadzianskaj partyi Anatol Labiedźka, pradstaŭnik BNF Jury Čavusaŭ, siabra arhkamitetu dziela stvareńnia partyi «Biełaruskaja chryścijanskaja demakratyja» Volha Kavalkova, dyrektar Biełaruskaha instytutu stratehičnych daśledavańniaŭ Alaksiej Pikulik.
Pavodle adnaho ź siabraŭ delehacyi Anatola Labiedźki, ahulnaja dyskusija pra sytuacyju ŭ Biełarusi, arhanizavanaja Fondam Konrada Adenaŭera, stałasia samaj maštabnaj padziejaj za ŭsiu pajezdku.Na jaje byli zaprošanyja i deputaty parlamentu Niamieččyny, i pradstaŭniki MZS, i aktyvisty niaŭradavaha sektaru, a taksama biełaruskija dyplamaty. Apošnija pryjšli, ale sami nie vystupali, a tolki zapisvali vystupy inšych.
Anatol Labiedźka ŭ časie hetaj dyskusii prezentavaŭ trochkrokavuju stratehiju dla Biełarusi: vyzvaleńnie palitviaźniaŭ, vybary pavodle standartaŭ ABSE i plan madernizacyi Biełarusi:
«Šmat było pytańniaŭ nakont adzinstva apazycyi. Ja sprabavaŭ zrabić akcent na tym, što najbolš važna zaraz — heta praviły hulni. Kali ich nia budzie, to ŭsio źviadziecca da taho, kolki kandydataŭ ad apazycyi budzie siadzieć: adzin ci dziesiać».
Aprača taho, biełaruskaja delehacyja mieła sustrečy ŭ Bundestahu Niamieččyny, MZS, viedamstvie federalnaha kanclera. Deputaty Bundestahu paviedamili svaju pazycyju nakont vynikaŭ vybaraŭ u Pałatu pradstaŭnikoŭ Biełarusi, raspavioŭ spadar Labiedźka:
Za vyklučeńniem levych. A ŭsie astatnija frakcyi tut salidarnyja».«Była vielmi žorstkaja acenka vybarčaj kampanii. Poŭny bajkot pryznačanych deputataŭ — heta, faktyčna, adzinaja pazycyja deputataŭ Bundestahu.
Kiraŭnik viedamstva federalnaha kanclera Rołand Pafała padčas hutarki ź biełaruskaj apazycyjaj vyjaviŭ svaju daśviedčanaść i zacikaŭlenaść palapšeńniem sytuacyi ŭ Biełarusi, zaznačyŭ spadar Labiedźka:
«Hałoŭny vynik hetaj sustrečy — toje, što jon zajaviŭ, što pakul jość palitviaźni — nia budzie nijakich zruchaŭ u adnosinach z aficyjnym Mienskam».
Anatol Labiedźka ličyć pieramovy ŭ Berlinie vielmi važnymi, bo Niamieččyna — mator Eŭraźviazu, u tym liku i ŭ pytańni adnosin ź Biełaruśsiu.
Inšy siabra delehacyi, pradstaŭnik Partyi BNF Jury Čavusaŭ, pa vynikach sustreč u Berlinie vykazaŭ mierkavańnie, što ciapier eŭrapiejskija palityki pačynajuć vypracoŭvać novuju paradyhmu dziejańniaŭ u dačynieńni da Biełarusi:
«Jość adčuvańnie, što palityka, jakaja pravodziłasia raniej, nieefektyŭna ŭpłyvaje na biełaruski režym. Ź inšaha boku, asłableńnie cisku ŭ hetaj sytuacyi budzie razhledžanaje biełaruskim režymam jak słabaść».
Spadar Čavusaŭ nie vyklučaje, što cisk Eŭraźviazu na aficyjny Miensk u ciapierašniaj sytuacyi ŭzmocnicca.Biełaruskaja apazycyja ŭsprymaje eŭrapiejskuju supolnaść jak svajho sajuźnika, kaža spadar Čavusaŭ, bo i Eŭraźviaz, i biełaruskaja apazycyja zacikaŭlenyja ŭ tym, kab stupień pluralizmu ŭ Biełarusi pavialičvałasia, kab byli vyzvalenyja palitviaźni i byli źmienienyja ŭmovy vybarčaha pracesu.
Upieršyniu ŭ składzie apazycyjnaj delehacyi za miažu jeździła pradstaŭnica BCHD Volha Kavalkova. Jana skarystała hetuju mahčymaść, kab danieści infarmacyju pra palitviaźniaŭ i pieraśled apazycyjnych aktyvistaŭ:
«Ciapier dla našaj partyi vielmi aktualnaje pytańnie kryminalnaha pieraśledu za dziejnaść ad imia niezarehistravanaj arhanizacyi. Hetaje pytańnie ja ŭzdymała na sustrečach u Berlinie, kab mižnarodnaja supolnaść taksama rabiła niejkija zajavy, kab da našych aktyvistaŭ takija zachady nie ŭžyvalisia».
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary