Śviata paezii «Duch — heta, ludzi, Ja!» u honar Anatola Sysa (1959–2005) prajšło 27 kastryčnika ŭ Haroškavie (Rečycki rajon).
26 kastryčnika Sysu spoŭniłasia b 53 hady. Na radzimu paeta sioleta (śviata paezii prachodzić u vośmy raz) pryjechali viadomyja litaratary, navukoŭcy, bardy, historyki, amatary jaho tvorčaści.
Mierapryjemstva pačałosia z naviedvańnia mohiłak, dzie pachavany paet.Na pomnik, stvorany Hienikam Łojkam i ŭstalavany niekalki hadoŭ tamu, byŭ paviazany ručnik, satkany aktyvistami maładziožnaj krajaznaŭčaj arhanizacyi «Tałaka» i supracoŭnikami filijała Vietkaŭskaha muzieja narodnaj tvorčaści.
Śviata paezii praciahnułasia na padvorku doma, dzie naradziŭsia i ros Anatol Sys.Tut płanujecca ź ciaham času adkryć muziej paeta, i zaraz užo tut jość niekatoryja ekspanaty.
Paet Anatol Viarcinski padzialiŭsia svaimi ŭspaminami pra sustrečy z Anatolem Sysom — na Dziadach u 1987 hodzie, kali ŭpieršyniu publična mienavita z vusnaŭ maładoha paeta prahučali proźviščy rasstralanych litarataraŭ; na pachavańni Vasila Bykava, na śviatkavańni
Hałoŭny redaktar časopisa «Dziejasłoŭ» Barys Piatrovič vykazaŭ mierkavańnie, što nastupić čas, kali śviata paezii ŭ Haroškavie pieratvorycca ŭ vialikaje nacyjanalnaje śviata,i padziakavaŭ usim jaho udzielnikam za toje, što ŭdałosia zachavać tradycyju źbiracca tut u kancy kastryčnika štohod. «Da arhanizacyi śviata ŭ Haroškavie spryčyniŭsia i Aleś Bialacki, jaki ŭ 1987 hodzie razam z Anatolem Sysom pravodziŭ pieršy mitynh, pryśviečany represavanym litarataram. Škada, što siońnia niama z nami Anatola, niama z nami pakul i Alesia», — adznačyŭ Piatrovič.
Na padvorku ŭ Haroškavie prahučali pieśni na biełaruskaj movie, jakija vykanali bardy Źmicier Bartosik, Taćciana Biełanohaja, Eduard Akulin, prajšli prezientacyi novych knih: «Śviataja vada» (aŭtar Łarysa Ramanava), «Stremka» (pieršaja kniha Siaržuka Sysa — svajaka Anatola Sysa) i «Około obłaka» (Hienadź Łapacin).
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja88
Kamientary