Свята паэзіі «Дух — гэта, людзі, Я!» у гонар Анатоля Сыса (1959–2005) прайшло 27 кастрычніка ў Гарошкаве (Рэчыцкі раён).
26 кастрычніка Сысу споўнілася б 53 гады. На радзіму паэта сёлета (свята паэзіі праходзіць у восьмы раз) прыехалі вядомыя літаратары, навукоўцы, барды, гісторыкі, аматары яго творчасці.
Мерапрыемства пачалося з наведвання могілак, дзе пахаваны паэт.На помнік, створаны Генікам Лойкам і ўсталяваны некалькі гадоў таму, быў павязаны ручнік, сатканы актывістамі маладзёжнай краязнаўчай арганізацыі «Талака» і супрацоўнікамі філіяла Веткаўскага музея народнай творчасці.
Свята паэзіі працягнулася на падворку дома, дзе нарадзіўся і рос Анатоль Сыс.Тут плануецца з цягам часу адкрыць музей паэта, і зараз ужо тут ёсць некаторыя экспанаты.
Паэт Анатоль Вярцінскі падзяліўся сваімі ўспамінамі пра сустрэчы з Анатолем Сысом — на Дзядах у 1987 годзе, калі ўпершыню публічна менавіта з вуснаў маладога паэта прагучалі прозвішчы расстраляных літаратараў; на пахаванні Васіля Быкава, на святкаванні
Галоўны рэдактар часопіса «Дзеяслоў» Барыс Пятровіч выказаў меркаванне, што наступіць час, калі свята паэзіі ў Гарошкаве ператворыцца ў вялікае нацыянальнае свята,і падзякаваў усім яго удзельнікам за тое, што ўдалося захаваць традыцыю збірацца тут у канцы кастрычніка штогод. «Да арганізацыі свята ў Гарошкаве спрычыніўся і Алесь Бяляцкі, які ў 1987 годзе разам з Анатолем Сысом праводзіў першы мітынг, прысвечаны рэпрэсаваным літаратарам. Шкада, што сёння няма з намі Анатоля, няма з намі пакуль і Алеся», — адзначыў Пятровіч.
На падворку ў Гарошкаве прагучалі песні на беларускай мове, якія выканалі барды Зміцер Бартосік, Таццяна Беланогая, Эдуард Акулін, прайшлі прэзентацыі новых кніг: «Святая вада» (аўтар Ларыса Раманава), «Стрэмка» (першая кніга Сяржука Сыса — сваяка Анатоля Сыса) і «Около облака» (Генадзь Лапацін).
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая77
Каментары