Pa spravie vybuchu kala KDB u Viciebsku pad vartaj zastajecca adzin čałaviek, astatnich adpuścili

Pa spravie vybuchu kala KDB u Viciebsku zatrymanym zastajecca adzin čałaviek. Astatnich padazravanych śledčyja Śledčaha kamiteta adpuścili. Pra heta paviedamlaje ahienctva «Interfaks-Zachad».

Vybuch u Viciebsku byŭ źvianom u dziŭnym łancuhu zdareńniaŭ.

5 listapada na biełaruska-polskaj miažy adbyŭsia vybuch. 6 listapada nieviadomyja kinuli kaktejl Mołatava ŭ litoŭskaje pasolstva ŭ centry Minska. 8 listapada ŭ Navapołacku j Viciebsku zatrymali dvuch maładych rabočych, adnaho ź ich abvinavacili ŭ zdradzie dziaržavie. 9 listapada było abvieščana pra vyzvaleńnie ad pasady kiraŭnika KDB hienierała Zajcava. Zamianili jaho nie na namieśnika, a na kiraŭnika Rady Biaśpieki, a adstaŭku źviazali sa śmierciu padpałkoŭnika KDB Kazaka — śmierciu, jakuju Kamitet doŭhi čas admaŭlaŭ, niby tych miadźviedzikaŭ. A

11 listapada ŭ Viciebsku kala KDB adbyvajecca vybuch «samarobnaha piratechničnaha prystasavańnia», u vyniku jakoha paškodžany dva akny. Miž tym ad 12 listapada ŭ krainie ŭstupajuć u siłu dapaŭnieńni ŭ zakony ab baraćbie z teraryzmam i supraćdziejańni ekstremizmu.

Nu i abstanovačka ŭ nas u stabilnaj Biełarusi!

Pra viciebski vybuch viadoma, što jon byŭ zusim nie mocnym, ale paciahnuŭ za saboj šmatlikija zatrymańni ŭ horadzie. Miarkujučy pa infarmacyi niekatorych zatrymanych, brali chłopcaŭ u čornych kurtkach z kapiušonam.

Mnohija adrazu praviali paralel miž hetym vybucham i teraktam u Viciebsku 2005 hoda, jaki, jak ustanaviŭ sud, byŭ spravaj ruk Kanavałava i Kavalova — ich rasstralali. Adnak pieršaja paralel padmannaja.

Akramia horada, u jakim adbyłosia zdareńnie, bolš dva vypadki ničoha nie łučyć. Vybuch 2005 hoda adbyŭsia ŭ ludnym miescy, a vybuchovaja pryłada była napoŭniena paražalnymi elemientami. Hetym razam zdareńnie nahadała chutčej simvaličnyja padziei 2010 hoda ŭ Babrujsku,

Spravu pa fakcie vybuchu kala viciebskaha KDB zaviali pa častcy 3 artykuła 339 Kryminalnaha kodeksa (asabliva złosnaje chulihanstva). Jak vynikaje z aficyjnaha paviedamleńnia centra infarmacyi i hramadskich suviaziaŭ (CIHS) Kamiteta dziaržbiaśpieki, vybuch adbyŭsia, a 18.48.

Pavodle pieršych acenak śledstva, pryłada ŭjaŭlała saboj kardonny abo płastmasavy tubus, načynieny 50–70 hramami piratechničnaj sumiesi i pamieščany ŭ blašanku jomistaściu 0,25–0,33 litra, jakoje było pryviedziena ŭ dziejańnie šlacham padpału.

«U vyniku nieadkładnych śledčych dziejańniaŭ i na padstavie pakazańniaŭ śviedak zatrymany try čałavieki, adzin ź jakich, sa źniešnimi prykmietami adchileńniaŭ ad narmalnych pavodzinaŭ, raniej ažyćciaŭlaŭ telefonnyja zvanki va UKDB ź niekarektnymi vykazvańniami na adras orhanaŭ ułady. Na miescy zdareńnia pracuje apieratyŭna-śledčaja hrupa», — havaryłasia ŭ paviedamleńni CIHS KDB.

Častka 3 artykuła 339 KK praduhledžvaje pakarańnie ŭ vyhladzie abmiežavańnia voli na termin ad troch da piaci hadoŭ abo pazbaŭleńniem voli na termin ad troch da dziesiaci hadoŭ.

Kanavałava z Kavalovym zatrymali amal praz šeść hadoŭ paśla viciebskich vybuchaŭ. U 2005 ža pa «haračych śladach» zatrymali bratoŭ Muraškaŭ. Praz paŭhoda ich vypuścili — było zanadta vidavočna, što aryštavali nie tych. Ale braty dahetul nie vykidajuć nivodnaha čeka z mahazinaŭ — kab było alibi na ŭsialaki vypadak. Tak zapałochali chłopcaŭ.

Čarada małaznačnych, ale hučnych zdareńniaŭ apošniaha tydnia, na pieršy pohlad, vyhladaje niby čyjaści sproba nakalić abstanoŭku ŭ hramadstvie.

• 0
• 0
• 0
• 0
• 0
• 0
• 0
• 0