Ź siami cudaŭ śvietu, jakija byli nazvanyja bolš za 2000 hadoŭ tamu, siońnia zastalisia tolki ehipeckija piramidy. 07.07.07 ŭ vyniku ŭsieplanetnaha hałasavańnia paŭstanie novaja siamiorka.
 |
Ź siami cudaŭ śvietu, jakija byli nazvanyja bolš za 2000 hadoŭ tamu,zastalisia tolki ehipeckija piramidy. Švajcarskaja arhanizacyja New 7 Wonders arhanizavała hałasavańnie, pavodle jakoha paŭstanie novaja siamiorka.
Pieršy śpis siami cudaŭ śvietu stvaryŭ hrecki paet Antypater Sydanijski. Heta byŭ svajho kštałtu daviednik dla padarožnikaŭ. Jon źmiaščaŭ siem najbujniejšych dasiahnieńniaŭ staražytnaj architektury: piramidu Cheopsa, cady Semiramidy, chram Artemidy ŭ Efecie, statuju Zeŭsa ŭ Alimpii, Halikarnaski maŭzalej, kalos Radoski i Aleksandryjski majak na Farosie. Užo ŭ siaredniavieččy šmat jakija abjekty ź siamiorki nie isnavali. Adzinaje, što zachavałasia da siońnia, heta piramida Cheopsa ŭ Ehipcie.
Pryvatnaja arhanizacyja New 7 Wonders Foundation ź siadzibaj u Švajcaryi składaje novy śpis siami samych pryhožych pomnikaŭ śvietu. Adzin ź inicyjataraŭ akcyi — prafesar Federyka Major, były hieneralny dyrektar UNESCO.
Na siońnia dzień u rejtynhu lidzirujuć nastupnyja abjekty: atenski Akropal u Hrecyi, staražytny horad majia Čyčen‑Ica ŭ Meksycy, rymski Kaliziej, Ejfeleva vieža ŭ Paryžy, ruiny horadu inkaŭ Maču‑Pikču ŭ Peru, ruiny horadu Petra ŭ paŭdniova‑zachodniaj Jardanii, kamiennyja statui na vostravie Paschi, Stoŭnhiendž u Vialikabrytanii, śviatynia Tadž‑Mahał u Indyi, budyjskaja śviatynia Angkor u Kambodžy, krepaść Alhambra ŭ Hrenadzie ŭ Hišpanii, Ajia‑Safija ŭ Stambule, budyjskaja śviatynia Kijomidzu ŭ Japonii, Krasnaja Płošča i Kreml u Maskvie, pałac XIX‑ha stahodździa Nojšvanštajn u Bavaryi, statuja Svabody ŭ Ńju‑Jorku, statuja Chrysta Zbaŭcy na hary Karkavadu, jakaja ŭznosicca nad Ryjo‑de‑Žanejra, budynak Opery ŭ Sydnei (Aŭstralija) i staražytny horad Tymbuktu ŭ Mali.
Ehipeckija piramidy apynulisia pa‑za konkursam — im byŭ nadadzieny status hanarovaha kandydata paśla taho, jak ułady Ehiptu zapratestavali suprać taho, kab histaryčnaja i nieasprečnaja kaštoŭnaść piramidaŭ vystaŭlałasia na hałasavańnie.
Na hety čas u internet-hałasavańni, jakoje budzie doŭžycca da 7 lipienia, pryniali ŭdzieł užo zvyš 45 młn. čałaviek.
07.07.07 u Lisabonie arhanizatary abvieściać śpis novych siami dzivosaŭ śvietu.
Fota new7wonders
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj27
Kamientary