«Samy hałoŭny bos», «Uzłom i praniknieńnie»
Ofisnaja kamedyja Łarsa Tryjera i drama Entani Minhieły
***
Samy hałoŭny bos (Direktoren for det hele)
Danija, 2006, kalarovy, 99 chv.
Režyser: Łars fon Tryjer
Roli vykonvajuć: Jens Albinus, Pieter Hancler, Benedykt Erlinhsan, Iben Jejle, Chienryk Pryp, Frydryk Tor Frydryksan
Žanr: Ofisnaja kamedyja
Adznaka: 6,5 (z 10)
Kiraŭnik kampanii vyrašyŭ pradać svoj biznes. Ale prablema ŭ tym, što kaliści, kab lepiej manipulavać svaimi padnačalenymi, machlar prydumaŭ “samaha hałoŭnaha bosa”, na jakoha śpisvaŭ samyja niepapularnyja rašeńni. Ciapier hetaha bosa treba pradjavić. Biespracoŭny aktor, jaki šaleje ad nieviadomaha dramaturha Hambini, zaprošany na rolu “samaha hałoŭnaha bosa”.
Paśla “Dohvilu” i “Manderłeju” Łars Tryjer vyrašyŭ źniać ofisnuju kamedyju.
Kamedyja atrymałasia – z chaładnavatym dackim humaram, absurdam – i ździeklivymi zakadravymi kamentarami Łarsa Tryjera.
Ale Tryjer uskładniŭ tvorčuju zadaču. Kadry, jaki my bačym u karcinie abiraŭ nie režyser, i navat nie čałaviek. Abaviazak hety ŭskładniaŭsia na kamputar. Kamera staviłasia pierad aktorami – i mašyna sama zadavała aśviatleńnie, rakurs i fakusiroŭku.
Kamedyi heta nie paškodziła – jana stałasia šče absurdniej. Dyj źmiestu adpaviadaje: hieroi – supracoŭniki kamputarnaj firmy.
Uzłom i praniknieńnie (Breaking and Entering)
ZŠA – Vialikabrytanija, 2006, kalarovy, 120 chv.
Režyser: Entani Minhieła
Roli vykonvajuć: Džud Łoŭ, Viera Farmiha, Žuljet Binoš, Robin Rajt Pen, Marcin Fryman
Žanr: Drama
Adznaka: 7 (z 10)
Talenavita architektar źbirajecca źmianić abličča Kinhs-Kros. Ale heta niebiaśpiečny rajon – i jahony ofis uvieś čas rabujuć. Raśśledavańnie pryvodzić jaho da padletka j jahonaj maci, jakija emihravali z Bośnii. Žyćcio hieroja kardynalna źmianiajecca – jon zakachaŭsia ŭ biednuju ŭciakačku…
Emacyjny j dalikatny film (što charakterna dla tvorčaści Minhieły). Čałaviečnaść, sacyjalnyja čyńniki, vybar. Minhieła nie kryčyć pra sacyjalnyja prablemy, a dazvalaje adčuć ich sercam. Daścipnyja epizadyčnyja persanažy, čullivy j taktoŭna vychavalnicki finał.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary