Śviata drejfuje
Było nam niejak zajzdrasna i škoda,
Čamu Kastryčnik nam nie adnahodak.
Moža Mikoła Aŭramčyk, aŭtar hetych radkoŭ, sapraŭdy ščyra škadavaŭ, što jamu nie daviałosia pabačyć Vialikaha Kastryčnika. Što da mianie, dyk ja nikoli nie adčuvaŭ niastačy vialikich padziejaŭ u svaim žyćci. Asabliva ciapier, kali revalucyi — amal na kožnym kroku. Źmiena kiraŭnictva BNF, Marš Svabody (Revalucyja 17-ha), masavyja aryšty — usio ŭ adzin miesiac i ŭ adnoj, našaj, krainie.
Što da Kastryčnika, dyk jaho zaŭsiody śviatkavali to nie tady, to nia tam. Da 1930 h. u BSSR, jak i ŭva ŭsim Savieckim Sajuzie, adznačali nia fakt hvałtoŭnaje źmieny ŭłady, jaki nie admaŭlaŭsia, a čarhovuju hadavinu Revalucyi — tady, kali jana j adbyłasia — u lutym. Što śviatkavali apošnija savieckija pakaleńni — zastajecca pytańniem. Što śviatkujuć siońniašnija biełarusy, kali siomaha listapada nad Skarynaŭskim praspektam vyviešvajecca “raściažka”, dzie ŭsich pazdraŭlajuć z praźnikam — taksama.
Zhadvaju, jak napačatku 90-ch źnianacku hałava Lenina ŭ majoj 30-j SŠ źmianiłasia na biust Skaryny. Na lekcyi historyi nastaŭnica niejak zhadała pra kastryčnickuju revalucyju, adciemiŭšy, što nasamreč heta byŭ “pieravarot”. Užo tady ja viedaŭ, što žyvu ŭ Miensku — stalicy Biełarusi. Da maich adkryćciaŭ dadałosia jašče adno: kastryčnicki pieravarot, jaki my dahetul śviatkavali ŭ siamji, adbyŭsia, aproč usiaho inšaha, nia ŭ nas, a ŭ susiedniaj krainie. Pryčym, u krainie, jakaja siońnia faktyčna admoviła značeńnie balšavickaha pieravarotu i viarnuła atrybutyku carskich časoŭ — darevalucyjnyja hierb i ściah.
Takim čynam, hałoŭnaje kamunistyčnaje śviata puściłasia ŭ drejf nia tolki ŭ časie, ale i ŭ prastory.
Viktar Muchin
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary