№ 7 (164), 14 — 20 lutaha 2000 h.
Viačorka dabiŭsia zamieny Spekharda?
U samy blizki čas ciapierašni pasoł ZŠA ŭ Biełarusi Denieł Spekhard musić viarnucca na Radzimu, a zamiest jaho dla pracy ŭ našaj krainie prybudzie novy šef dyplamatyčnaha pradstaŭnictva. Amerykanski bok užo nibyta zrabiŭ zapyt na ahreman dla novaha pasła. Rasiejskija krynicy śćviardžajuć, što zamiena była prainicyjavanaja biełaruskaj apazycyjaj, jakaja nibyta nieadnačasova ŭ svaich palityčnych kantaktach za akijanam staviła pytańnie pra nieabchodnaść bujnamaštabnaha ŭcisku na ŭłady Biełarusi, pravadataram čaho mieŭ by być čałaviek z bolš ćviordym charaktaram, čym Spekhard. Toje samaje zajaviŭ i Łukašenka ŭ čaćvier, na pasiedžańni kalehii MZS: «Apazycyja pastaviła pytańnie ab adklikańni Spekharda i damahłasia hetaha... Jon nikoli nia byŭ našym siabram, ale my musim vieści siabie prystojna i painfarmavać jaho ab sytuacyi... Kali ž užo i Spekhard im nie padabajecca...» Ale j ciapierašniaje staŭleńnie Ameryki da Biełarusi — pry «niaćviordym» paśle — Łukašenka nazvaŭ «dalokim ad ideału».
Anatol Uciuhovič
Kamientary