A sapraŭdnyja matyvy «vajny z talerkami» nazyvajucca hłupstvam
U artykule «Nie svoja tariełka» žurnalist Dźmitry Krat padzialaje kłopat uładalnikaŭ spadarožnikavych antenaŭ i kandycyjaneraŭ, ad jakich na ich ustalavańnie ŽESy patrabujuć prajektnuju dakumentacyju. Žurnalist pačaŭ vyśviatlać matyvacyju novaŭviadzieńnia i atrymaŭ niečakanyja vyniki: u haradzkich ustanovach, «jakija pa łohicy rečaŭ pavinnyja być u kursie, pakul tolki vykazvajuć zdahadki»
Va ŭpraŭleńni ŽKH Mienharvykankamu nibyta pryhadali, što jašče ŭ śniežni 2006 h. vyjšła pastanova Mienharvykankama , jakaja pradpisvała ŭzakonić mantaž antenaŭ na fasadach damoŭ. Termin vykanańnia byŭ pryznačany da kanca traŭnia 2007 h. Sp. Krat pasprabavaŭ vyśvietlić paradak uzakońvańnia «talerki» i čas, nieabchodny na vykanańnie ŭsich praceduraŭ. Adnak navat u «Biełžyłprajekcie» jon nie zdabyŭ hruntoŭnaj infarmacyi na hety kont.
U artykule «Prociedurnyj vopros» za 19 červienia 2007 h. toj ža aŭtar supakojvaje čytačoŭ vykazvańniem hałoŭnaha architektara Miensku Viktara Nikicina, jaki paviedamiŭ, što paradak ustalavańnia kanstrukcyjaŭ na fasadach budynkaŭ tolki raspracoŭvajecca. Pavodle jahonych słovaŭ, u novaj pastanovie Mienharvykankamu budzie dakładna prapisany mechanizm raźmiaščeńnia antenaŭ i kandycyjaneraŭ. Pastanovu padpišuć mahčyma ŭžo ŭ vieraśni. Adrazu paśla hetaha adbudziecca revizija ŭsich najaŭnych kanstrukcyjaŭ na adpaviednaść novym praviłam. Pavodle haradzkich uładaŭ u Miensku zafiksavana kala 10500 spadarožnikavych antenaŭ i 2500 kandycyjaneraŭ. Tolki kala 40 antenaŭ ustalavanyja paśla kansultacyjaŭ z architektarami.
U abodvuch artykułach aŭtar tak i nie pryvodzić jakoj‑kolviek surjoznaj versii raptoŭnaha nastupu na «talerki». Najbolš vierahodnuju pryčynu, pačatak viaščańnia na Biełaruś ŭ kastryčniku spadarožnikavaha telekanału BelSAT, Dźmitry Krat nazyvaje hłupstvam.
Kamentary da artykuła «Nie svoja tariełka» na sajcie www.sb.by
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary