Adchileńnie hienerała
Adchileńnie ad pasady načalnika Śledčaha kamitetu pry MUS Leanida Hłuchoŭskaha tłumačać vyjaŭlenymi faktami datyčnaści vyšejšych milicejskich čynoŭ da karupcyi ŭ celulozna-papiarovaj pramysłovaści Homielščyny. Ale zvalnieńnie Hłuchoŭskaha maje i palityčny padtekst.
Hienerał-major, namieśnik ministra ŭnutranych spravaŭ Leanid Hłuchoŭski pracavać u milicyi pačaŭ mienavita ŭ Homieli — spačatku prostym śledčym, a paśla namieśnikam kiraŭnika śledčaha kamitetu abłasnoj upravy MUS. Adtul jon abiraŭsia ŭ pałatu pradstaŭnikoŭ. Pierajechaŭšy ŭ Miensk, Hłuchoŭski zachavaŭ staryja suviazi ŭ homielskaj milicyi. Jašče niadaŭna jon vysoka aceńvaŭ pracu ŭpravy Kamitetu pa baraćbie z arhanizavanaj złačynnaściu Homielskaj vobłaści, a tut jaje načalnik pałkoŭnik Uładzimier Karcaŭ byŭ adchileny ad svaich abaviazkaŭ. Zrazumieła, niadbajnaść homielskich milicyjantaŭ nie mahła nie ŭdaryć pa Hłuchoŭskim. Nieviadoma tolki, u što vyljecca dla jaho hetaja sprava i ci daviadziecca milicejskamu hienerału raźvitacca z pasadaj i pryvabnymi perspektyvami słužbovaha rostu.
Hienerał Hłuchoŭski naradziŭsia ŭ Turkmenii. Jahonaja rola va ŭnutranaj palitycy Biełarusi apošnich hadoŭ była zmročnaju: jon mieŭ niepasrednaje dačynieńnie da šerahu hučnych palityčnych spravaŭ (Staravojtava, Čyhiroŭ).
Hłuchoŭskaha možna śmieła nazvać čałaviekam, jaki “šmat viedaje”. Adnojčy jon zaznačaŭ, što praca jamu “padabajecca, choć i vielmi ciažkaja”. Ci daviadziecca hienerał-majoru šukać “lohkuju pracu”, zaležyć ad kiraŭnika dziaržaŭnaj kamisii Anatola Tozika. Da 15 śniežnia toj musić painfarmavać A.Łukašenku pra vyniki pravierki.
Adchileńnie ad pasady načalnika Śledčaha kamitetu Leanida Hłuchoŭskaha, biezumoŭna, možna paraŭnać ź cichaju adstaŭkaj hienerała Sivakova. Ni pieršaha, ni druhoha hienerała cyvilnyja nie škadujuć.
Aleh Tačony
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom4
Kamientary