Barys Tumar
Deputat pałaty pradstaŭnikoŭ hienerał Valery Frałoŭ pretenduje na rolu lidera biełaruskaj apazycyi. Ci maje jon na heta šancy? Barys Tumar davodzić pra niedaŭhaviečnaść “pryncesy cyrku” na biełaruskaj palityčnaj scenie.
Frałoŭ šukaje padtrymki Rasiei, bo “nia bačyć ničoha strašnaha” ŭ častkovaj stracie našaha suverenitetu.
Jaho nibyta padtrymlivajuć jararchi Pravasłaŭnaje carkvy, jakija nibyta ŭpotajki nienavidziać Łukašenku za toje, što toj zrabiŭ z carkvy apošni vincik dziaržaŭnaha mechanizmu i prosta tamu, što “ion cham”. Frałoŭ nie prapuskaje nivodnaje “treciasektarnaje” tusoŭki. Frałoŭ - u kožnaj niezaležnaj hazecie. Narešcie, u Frałova nibyta jość vola, jon mała čaho baicca. Frałoŭ uźniaŭ u parlamencie pytańnie ab źnikłych apazycyjanerach. Takoha rekvizytu nia mieŭ nivodzin z raniejšych lideraŭ apazycyi. Heta - u našych krajoch - prosta prezydencki patencyjał!
Ale: Frałoŭ adstaŭny vajskoviec, a hramadzkaja dumka nia ličyć vajakaŭ zdolnymi da dziaržaŭnaha kiravańnia. Jon z šerahaŭ “kišennaje apazycyi”, dapuščanaje ŭ pałacie pradstaŭnikoŭ uładami. Jon z Horadni, a vychadcy z hetaha rehijonu nia majuć vialikaj vahi ŭ palityčnaj i haspadarčaj elicie. Jon nie razmaŭlaje pa-biełarusku. Jon nie prafesijny palityk i maje nul rynkava-ekanamičnaha dośviedu. Heta da jaho lacieli ŭ Miensk padpisvać damovu ab supracoŭnictvie Niamcoŭ i Chakamada, i jon ź lohkaściu robicca zakładnikam hetaha palityčnaha skandału.
Aperetkava vyhladaje deputat pałaty pradstaŭnikoŭ, jaki sprabuje ŭdavać ź siabie lidera apazycyi, zakłapočanaha losam Zacharanki. Jak vyhladaje, “Pryncesa cyrku” na biełaruskaj palityčnaj scenie - takaja ž niedaŭhaviečnaja, jak i ŭsie inšyja spektakli, transplantavanyja na palityčnuju scenu z teatralnaj.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary