***
Piatnaccać “zialonych” za dvuchdalaravuju kupiuru
Źbirańnie dalaraŭ u nas — nie numizmatyka i nie banistyka. U Biełarusi, jak i ŭ mnohich inšych krainach, heta stałasia srodkam choć niejak źbierahčy svaje hrošy ad inflacyi. Nivodzin biełarus nie nadumajecca prydbać zialonuju “piaciorku” , “dziasiatku”, “dvaccatku” ci “sotku” prosta dziela taho, kab była. Vyklučeńnie moža być zroblenaje chiba dla adnaje kupiury — dvuchdalaravaj.
| fota www.pomexport.com |
Na 2-dalarovaj banknocie vyjaŭleny treci amerykanski prezydent Tomas Džefersan (1743—1826) i repradukcyja karciny “Abviaščeńnie niezaležnaści ZŠA”. Jak śviedčać znaŭcy, na kupiury kanca XIX st. byli partrety vynachodcaŭ Morze i Fułtana. Potym amerykanskija ŭłady vyrašyli nie parušać tradycyi i viarnucca da zvykłych prezydenckich vyjavaŭ.
Siarod biznesoŭcaŭ šmat zababonnych ludziej, jakija ličać, što 2-dalaraviki prynosiać udaču i pośpiech u spravach. Nia dziva, što redkija banknoty karystajucca padvyšanym popytam. Taki “talisman” možna prydbać u Miensku za 15 dalaraŭ — u 7,5 razu daražej za naminał. Bližejšym časam ich cana moža padniacca: jak paviedamlaje “Viestnik moskovskoho buchhałtiera”, u Maskvie hetyja banknoty kaštujuć užo da 100 dalaraŭ.
Adam Voršyč
Kamientary