Prašu nadrukavać pytańni, jakija ja adrasavaŭ deputatu pałaty pradstaŭnikoŭ ad Pružanskaj vybarčaj akruhi Alaksandru Zinčanku.
Hramadzianin A.Zinčanka, pamiatajecie, 10 kastryčnika 2002 h. Vy pryjaždžali ŭ «rodnyja» Pružany dla sustrečy z vybarcami. Ja pryjšoŭ z šeraham piśmova padrychtavanych pytańniaŭ. Vy paabiacali nie paźniej jak u dziesiacidzionny termin piśmova adkazać. Ja vielmi ciarpliva čakaŭ, ale tak i nie dačakaŭ. Vas narod vybraŭ dla taho, kab Vy pisali svajmu narodu takija zakony, jakija b abaraniali kožnaha biełarusa ŭ jaho krainie. I hałoŭnaje — kab zaŭsiody pamiatali, što Vy asabista žyviacie za košt padatkapłatnikaŭ.
Voś tyja pytańni:
1. Paśla vybuchu na Čarnobylskaj AES byŭ zahad z Maskvy padniatyja ŭ pavietra radyjenuklidy asadzić na terytoryi Biełarusi, što i było zroblena pry dapamozie specyjalnych srodkaŭ-absarbentaŭ dy avijacyi. Čamu Vy nie damahajeciesia raśśledavańnia hetaha adkrytaha teraryzmu suprać svajoj dziaržavy i kampensacyi za jaho?
2. Jakuju sumu hrošaj biełaruskija padatkapłatniki płaciać siemjam amerykanskich spartsmenaŭ-pavietrapłavalnikaŭ, šar jakich byŭ źbity na našaj terytoryi?
3. Na adlehłaści tryccaci krokaŭ ad rečki Pružanki i nia bolej jak dziesiać krokaŭ ad žyllovych budynkaŭ uźviedziena kala trochsot aŭtamabilnych haražoŭ. Chto pavinien adkazać? Raka zabrudžanaja, pierad padjezdami bieśpierapynna šmyhajuć aŭtamabili, z kvatery nia moža vyjści ni mały, ni stary.
4. Čamu našaja dziaržaŭnaja miaža achoŭvajecca tolki z Zachadu, a z Uschodu nie? Štohod sotni tysiač vandroŭnikaŭ-nielehałaŭ napłyvajuć u našuju nievialikuju krainu. Usio heta biełaruskamu padatkapłatniku abychodzicca nia tolki ŭ sumu hrošaj, ale i ŭ najvialikšuju niebiaśpieku žyćciu.
5. Maje dva dziady, baćka pralili šmat kryvi, a šaściora dziadźkoŭ naahuł zahinuli ŭ vajnie ź niamieckimi zachopnikami. Im palitruki abiacali paśla pieramohi zamožnaje rajskaje žyćcio, i jany pieramahli. A ŭžo ŭ 1948 h. hetyja ž palitruki-bandyty ŭ baćki adabrali ziamlu, žyviołu, razburyli haspadarčyja pabudovy i baćku majho represavali. Dyk čamu ciapier, kali naša kraina Biełaruś pazbaviłasia kalanijalnaj zaležnaści ad Rasiei, kali my sapraŭdy volny narod, ja nia maju prava na baćkavu spadčynu, jakuju jon zdabyŭ sumlenna, potam i kryvioj?
Spadziajusia, Vy nia budziecie balatavacca na treci deputacki termin, nia vykanaŭšy svaich abiacańniaŭ za minułyja dziesiać hadoŭ.
Vaš vybarca Mikoła Žuk, Pružany
Kamientary