Vakoł prajektu adbudovy hatelu «Eŭropa» zachoŭvajecca intryha: Ministerstva kultury nie ŭchvalaje pabudovy hatelu.
Hałoŭny architektar Miensku Rusłan Biełahorcaŭ kaža, što parametry hatelu musiać adpaviadać davajennym uzoram, ale sama «Eŭropa» nia budzie stajać na raniejšym miescy: bulvaru na vuł.Lenina j susiedniaha domu nichto buryć nia budzie. Značyć, budynak pierasunuć u bok kanservatoryi j pastaviać na padmurkach kolišniaha haradzkoha teatru, kančatkova źniščyŭšy ich. U harvykankamie karespandentu «NN» patrapiŭ dakument, nakiravany z uradu.
Heta «Zaklučeńnie ab miescy raźmiaščeńnia abjektu ad 28 krasavika 2004 h. №01-05/195» — za podpisam namieśnika ministra Ŭładzimiera Hrydziuški. Pavodle hetaha dakumentu, budaŭničyja raboty miarkujecca ažyćciaŭlać na terytoryi historyka-kulturnych kaštoŭnaściaŭ — budynku kanservatoryi (vuł.Internacyjanalnaja, 30) i architekturnaha ansamblu žyłych damoŭ i bulvaru pobač. Minkult prychodzić da nastupnych vysnovaŭ:
«Nie vyklučajem mahčymaści raźmiaščeńnia prajektavanaha abjektu na skryžavańni vulic Lenina j Internacyjanalnaj. Razam z tym, bieručy pad uvahu miesca raźmiaščeńnia prajektavanaha hatelu i kirujučysia pałažeńniami art.5, 7, 27, 29, 44, 48 Zakonu Respubliki Biełarusi «Ab achovie historyka-kulturnaj spadčyny», jakija vyznačajuć nieabchodnaść zachavańnia asiarodździa isnavańnia /.../, nieabchodna:
1. Ažyćciavić padrychtoŭku historyka-architekturnaha apornaha planu terytoryi kvartału /.../;
2. Pravieści archiealahičnyja pošuki na ŭsim učastku, adviedzienym pad budaŭnictva, što abumoŭlena nieabchodnaściu vyvučeńnia kaštoŭnych u historyka-kulturnych adnosinach archiealahičnych abjektaŭ i kulturnaha słoju, z ulikam jakich moža być padrychtavana navukova-metadyčnaje abhruntavańnie prajektnaha rašeńnia;
3. Pravieści historyka-archiŭnyja daśledavańni pa budynku Mienskaha teatru, jaki raniej isnavaŭ pa adrasie vuł.Internacyjanalnaja, 28, i budynku byłoha hatelu «Eŭropa»;
4. Uličvajučy memaryjalnuju kulturna-histaryčnuju značnaść budynku teatru, u jakim u 1852 h. adbyłasia adna z samych značnych padziej u historyi biełaruskaj kultury — prajšła premjera pieršaj biełaruskaj nacyjanalnaj opery «Idylija» («Sialanka»), libreta dla jakoj napisaŭ V.Dunin-Marcinkievič, muzyku — S.Maniuška i K.Kryžanoŭski, ličym nieabchodnym razhledzieć mahčymaść navukova abhruntavanaha poŭnaha kulturnaha jaho adnaŭleńnia abo častkovaha metadam plastyčnaha ŭvasableńnia vobrazu budynku, jaki raniej isnavaŭ na hetym miescy/…/
Poŭny varyjant artykułu hladzicie ŭ hazecie "Naša Niva".
Arkadź Šanski
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary