8 červienia pałata pradstaŭnikoŭ pad ciskam haładoŭki «respublikancaŭ» usio ž uklučyła ŭ paviestku dnia sesii zakonaprajekt ab uniasieńni źmianieńniaŭ i dapaŭnieńniaŭ u Vybarčy kodeks.
Prajekt pastaŭleny trynaccatym pytańniem plenarnaha pasiadžeńnia 22 červienia. Pry hetym kiraŭnictva pałaty raspaŭsiudziła siarod deputataŭ aficyjny prajekt pastanovy, u jakim prapanujecca «adchilić prajekt zakonu».
Mienavita biespadstaŭnaja admova Rady pałaty vynieści na razhlad sesii zakonaprajekt i stała niepasrednaj pryčynaj haładoŭki troch «respublikancaŭ», pierakanany deputat ad Mienskaha rajonu Ŭładzimier Dzialendzik. Adnak takuju formu pratestu kalehaŭ U.Dzialendzik ličyć niapravilnaj: «Haładoŭki ničoha nie dajuć».
Kiraŭnik deputackaje hrupy «Spryjańnie ekanamičnamu raźvićciu» Kiryła Chałopik uchiliŭsia ad acenki prajektu zakonu, spasłaŭšysia na ekanamičny charaktar svajoj dziejnaści. Na jahonuju dumku, prajekt «ničoha nie mianiaje, bo ŭtrymlivaje kasmetyčnyja praŭki». Jon dumaje, što navat pryniaćcie hetych papravak nia źmienić staŭleńnia Zachadu da pryznańnia našych vybaraŭ. Što da šancaŭ pryniaćcia zakonu (sa 108 pieršapačatkovych prapanoŭ zastalisia try pryncypovyja: admiena daterminovaha hałasavańnia, pašyreńnie pravoŭ naziralnikaŭ dy ŭviadzieńnie ŭ skład vybarčych kamisij pradstaŭnikoŭ apazycyi choć by z daradčym hołasam), dyk Kiryła Chałopik pierakanany, što zakonaprajekt nia projdzie.
Hleb Chmialnicki
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary