8 чэрвеня палата прадстаўнікоў пад ціскам галадоўкі «рэспубліканцаў» усё ж уключыла ў павестку дня сэсіі законапраект аб унясеньні зьмяненьняў і дапаўненьняў у Выбарчы кодэкс.
Праект пастаўлены трынаццатым пытаньнем пленарнага пасяджэньня 22 чэрвеня. Пры гэтым кіраўніцтва палаты распаўсюдзіла сярод дэпутатаў афіцыйны праект пастановы, у якім прапануецца «адхіліць праект закону».
Менавіта беспадстаўная адмова Рады палаты вынесьці на разгляд сэсіі законапраект і стала непасрэднай прычынай галадоўкі трох «рэспубліканцаў», перакананы дэпутат ад Менскага раёну Ўладзімер Дзялендзік. Аднак такую форму пратэсту калегаў У.Дзялендзік лічыць няправільнай: «Галадоўкі нічога не даюць».
Кіраўнік дэпутацкае групы «Спрыяньне эканамічнаму разьвіцьцю» Кірыла Халопік ухіліўся ад ацэнкі праекту закону, спаслаўшыся на эканамічны характар сваёй дзейнасьці. На ягоную думку, праект «нічога не мяняе, бо ўтрымлівае касмэтычныя праўкі». Ён думае, што нават прыняцьце гэтых паправак ня зьменіць стаўленьня Захаду да прызнаньня нашых выбараў. Што да шанцаў прыняцьця закону (са 108 першапачатковых прапаноў засталіся тры прынцыповыя: адмена датэрміновага галасаваньня, пашырэньне правоў назіральнікаў ды ўвядзеньне ў склад выбарчых камісій прадстаўнікоў апазыцыі хоць бы з дарадчым голасам), дык Кірыла Халопік перакананы, што законапраект ня пройдзе.
Глеб Хмяльніцкі
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары