«Jon uvasablaje absalutnaje zło»
Samym zaciatym praciŭnikam Łukašenki i łukašyzmu źjaŭlajecca moładzievy ruch «Zubr». Kaardynatar «Zubra» Jaŭhien Afnahiel — žyvaja lehienda arhanizacyi. Jaho zatrymlivali 25 razoŭ, sadzili, źbivali. Jon praciahvaje zmahacca, kali inšym zdajecca, što hety kamień ništo nie zvaruchnie.
«NN»: Čamu «Zubr» u takoj radykalnaj apazycyi Łukašenku? Što dla Vas absalutna nieprymalna ŭ im?
JAA: Toje, što jon imkniecca da adnaŭleńnia tatalitarnaj savieckaj systemy, što jon nie pravodzić ekanamičnych reformaŭ, što vyryvaje našu krainu z Eŭropy i aryjentuje tolki na ŭschod, što parušajucca pravy čałavieka, što niama padziełu ŭłady, što adsutničajuć perspektyvy dla moładzi, što ŭ zahonie nacyjanalnaja mova i kultura, a nacyjanalnaja symbolika zabaroniena. Z Łukašenkam u krainy niama budučyni. Bo los krainy nia moža zaležać ad adnaho čałavieka. Moładź źjaždžaje za miažu, i vina za heta lažyć na ŭładzie.
«NN»: Mnohija źmirylisia z tym, što Łukašenka — heta nadoŭha. Apazycyja stomlenaja. «Zubr» — nie?
JAA: My vierym, što sytuacyja moža być źmieniena. Heta adbudziecca tady, kali bolšaść ludziej pavieryć, što jaje možna źmianić. Našy dziejańni nakiravanyja na toje, kab abudzić vieru ŭ hramadztvie, złamać strach, źniščyć biaźvierje, kali bolšaść ludziej nie prymaje dyktatury, ale ličyć, što jaje niemahčyma źmianić.
Poŭnaściu hety artykuł možna pračytać u papiarovaj i pdf-versii "Našaj Nivy"
Hutaryŭ MB
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3
Kamientary