Ci budzie pa vynikach Alimpijady stvorany zvyšchutkasny balid dla «Formuły-1» na bazie kambajnu «Hamsielmaš»?
U napružanym rytmie planeta zakančvaje padrychtoŭku da Alimpijady. Elinskija anarchisty muciać antyimperyjalistyčnyja pratesty i ŭžo zakidali minsportu kaktejlami Mołatava. Reklamščyki z «Head&Shoulders» uparvajuć viadomamu atletu kantrakt, jaki zabaviazvaje jaho publična korčyć achviaru pierchaci, ad jakoj adziny srodak — šampuń zhadanaj kampanii. Rasiejskija nacyjanalisty «sami obmanyvaťsia rady» spartovaj vieličču Rasiei, kab paźniej, paśla dziažurnaha fijaska, vykryć novuju zmovu sudziejskich mudracoŭ. Pijarščyki Buša-junijora mazhujuć, jak za košt vizytu bosa ŭ Ateny apuścić kankurenta Kiery: moža, vypuścić Dziubua z alimpijskaj pachodniaj? Šlacham eksperymentaŭ trenery i spartoŭcy vyvodziać chimičny recept uryny, u jakoj niemahčyma znajści zabaronienyja stymulatary...
Jak bačym, z časoŭ mačyłava pad Termapiłami takoje mierapryjemstva, jak Alimpijada, nabyło šmat novych aspektaŭ — terakty, pijar, reklama... Darečy, časam hetyja inavacyi kudy cikaviejšyja i niepradkazalniejšyja, čym spartovyja rystališčy. Na 99% možna pradkazać pieramohu janki ŭ baskietbole, adnak nichto nie harantuje Sivakovu, što niejak ranicaj da jaho ŭ numar u alimpijskaj vioscy nia ŭvalic-ca ŭłasaj personaj Purhurydes i na prośbu «nieabyjakavych ludziej» nie paciahnie kuratara našaj zbornaj u Haahu. Abo pasprabujcie sprahnazavać, jakuju formu ekzekucyi abiare Sam, kali spartovyja čynoŭniki pa viartańni z Pelapanesu nie pakładuć jamu ŭ nohi vianok z 25 medaloŭ. Adpravić «nie apraŭdaŭšych davier» reanimavać biełaruskuju viosku abo prosta pahrozić kluškaj i łahodna, pa-baćkoŭsku skaža: «Tak i być, praščaju, ale za heta stvoryš na bazie kambajnu «Hamsielmaš» zvyšchutkasny balid i vyjhraješ mnie «Formułu-1»?
Poŭny varyjant artykułu čytajcie ŭ papiarovaj i pdf-versii "Našaj Nivy"
Lolik Uškin
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary