Aŭtar manumentu architektar Lavonci Zdanievič kaža, što zrabić hety pomnik było jahonym abaviazkam pierad siabram: «Ja siabravaŭ ź Iharam i, ščyra skažu, vielmi jaho lubiŭ. Heta byŭ sympatyčny čałaviek ź niepaŭtornym pačućciem honaru».
Architekturnaje rašeńnie pomnika prostaje. «Ja zaŭsiody starajusia rabić jak maha praściej. Dla mianie hałoŭnaje — prastata i stylizacyja. Nu, i peŭnaja dola manumentalizmu tam jość. Ihar byŭ ścipły čałaviek, voś i pomnik ścipły».
Pavodle słoŭ Ł.Zdanieviča, padzielenaja na dźvie častki plita symbalizuje žyćcio i śmierć čałavieka. «U razryvie plity buduć raści kvietki, — kaža Zdanievič. — Žyćcio pieramahaje». Pamiž pałovami plity ŭzdymajecca ŭłasna pomnik čałavieku — steła-abelisk z prostym nadpisam — tolki imia i proźvišča — i kryžam na tle ściahu. Na vyšyni čałaviečaha rostu na stele ŭmacavany biust I.Hiermienčuka raboty skulptara Kanstancina Sielichanava. «Ihar byŭ sutułavaty, ale chto viedaje jaho pachodku, pamiataje, što jon zaŭsiody z uźniatym padbarodździem chadziŭ, nikoli nie schilaŭ hałavy — tamu i biust vysoka trymaje hałavu», — tłumačyć Zdanievič.
Aleś Piatkievič
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary