U Homieli ŭ vuličnych realizataraŭ nieviadomy adkryta vykraŭ łatarejnyja bilety «Supierłato» i «Vaša łato». Ab padrabiaznaściach kradziažoŭ BiełaPAN paviedamili ŭ pres‑słužbie UUS Homielskaha abłvykankama.
Pavodle źviestak supracoŭnika pres‑słužby Vitala Prystromava, 28 červienia prykładna ŭ 14.10 z adkrytaj vitryny na rynku «Prudkoŭski» nieviadomy vykraŭ 14 łatarejnych biletaŭ «Supierłato». Prykładna praz paŭtary hadziny anałahičny kradziež adbyŭsia ŭ Navabielickim rajonie abłasnoha centra, dzie taksama z adkrytaj vitryny chłopiec 18‑25 hadoŭ vykraŭ 14 biletaŭ łatarei «Vaša łato».
«Vidavočna, ŭ kahości žadańnie vyjhrać aŭtamabil u budučuju niadzielu pieravažyła nad ćviarozym rozumam, kali hety čałaviek pajšoŭ na ryzyku trapić pad sud za nievialikuju sumu — košt 14 biletaŭ «Vaša łato» 35 tysiač», — prakamientavaŭ V.Prystromaŭ.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary