«NN»: Pavał, čym ty ciapier zajmaješsia?
Pavał Sieviaryniec: Ja pracuju nad ramanam pra abu¬džeńnie ŭ Biełarusi. Hałoŭny hieroj ramanu — biełarus va ŭzroście Chrysta. Hety raman stanie sapraŭdnaj bombaj. Jak i naležyć, ramanam skančajecca maja «tvorčaja evalucyja»: ja ŭžo vydaŭ dakumentalnuju knihu «Pakaleńnie «Maładoha frontu», ciapier rychtujecca da druku zbornik ese pra nacyjanalnuju ideju.
Prynieści maral u palityku
«NN»: A jakija pośpiechi ŭ palityčnaj sfery?
PS: Zajmajusia stvareńniem chryścijanska-demakratyčnaje partyi. Ja staŭlu za me¬tu nadać starejšamu pakaleńniu impetu i viery, jakija ŭłaścivy moładzi. Sytuacyja ŭ Biełarusi identyčnaja ŭkrainskaj: u abiedźviuch krainach 42% za reakcyju i 52% za demakratyju. Adnak pry hetym u Kijevie ŭvieś narod na Majdanie, a ŭ nas na vulicy vychodziać dźvie tysiačy čałaviek, choć u nas niama pa¬dziełu na zachad i ŭschod. Demakratyja — heta ideja bolšaści, i zadača demakratyčnych siłaŭ ŭ Biełarusi — realizacyja pamknieńniaŭ bolšaści. Kali b usie načapili aranžavyja ci bieł-čyrvona-biełyja ci sinija z zorkami stužački — było b toje ž, što va Ŭkrainie.
«NN»: Ci jość u Biełarusi lidery, hatovyja ŭziać na siabie adkaznaść, kali ludzi ŭsio ž masava vyjduć na vulicu?
PS: Siarod dziesiaci miljonaŭ biełarusaŭ jość bahata takich ludziej. Zvyčajna vuličnyja trybuny vyłučajucca stychijaj, kali ich nia vyłučyć palityčny asiarodak. Ja paznajomiŭsia z adnym takim — pradprymalnik, enerhičny, viedaje ekanomiku, raźbirajecca ŭ palityčnych pracesach. I čym nie kandydat u prezydenty hety biznesoviec?
«NN»: Jaki sens stvarać partyju ŭ siońniašniaj sytuacyi, kali partyi nie ŭpłyvajuć na palityku, vyciaśniajucca z pravavoha pola?
PS: U Biełarusi partyi nia mohuć upłyvać na palityku praz vybary, jak u tradycyjnaj palityčnaj systemie. Tamu partyja ci ruch u takoj sytuacyi — heta prosta hrupy ludziej, jakija pastavili sabie na mecie źmianić uładu. Partyja budzie stvorana na bazie viernikaŭ z aktyŭnaj palityčnaj pazycyjaj, a takich u Biełarusi sotni tysiač. Adnym z pryncypaŭ partyi budzie šmatkanfesijnaść, dla Biełarusi heta asnovatvorna — kankurencyja, a nie zmahańnie kanfesij.
«NN»: Čym Vaša partyja bu¬dzie adroźnivacca ad inšych kanservatyŭnych partyj?
PS: Imknieńniem unieści chryścijanskija pryncypy ŭ palityku. Biełaruś pačałasia, kali siudy pryjšło chryścijanstva, viedała roskvit, kali byŭ relihijny roskvit, i adsiul absalutna zrazumieła, što adradzić jaje možna tolki praz chryścijanstva. Chryścijanskaja demakratyja zapatrabavanaja siońnia. Jana abaraniaje siamju i tradycyjnyja kaštoŭnaści. Chto ŭ nas zajmajecca abaronaj siamji, zmahańniem sa strašnym złom alkahalizmu?
Pierastać pić
«NN»: Ale dla hetaha jość carkva. Mahčyma, tabie prosta treba stać prapaviednikam?
PS: Kožnamu svajo miesca, dzie jamu Boh pryznačyŭ być. Ja byŭ paklikany ŭ palityčnuju sferu, u hetaj sfery ja i praciahvaju svaju dziejnaść. A pośpiech takoj partyi palahaje jašče i ŭ tym, što heta bu¬dzie realnaja duchoŭnaja alternatyva. Bo režym nie hruntujecca na duchoŭnaści, dziaržaŭnaja idealohija pabudavanaja na pravasłaŭnym ateiźmie. Pałova biełarusaŭ deklarujuć, što vierać u Boha.
Poŭny varyjant čytajcie ŭ papiarovaj i pdf-versii hazety "Naša Niva"
***
Pavał išoŭ na čale vuličnych demanstracyj 1990-ch, pisaŭ na kryminalnyja temy ŭ roznych hazetach, samastojna raspracavaŭ i pravioŭ mnostva adukacyjnych kursaŭ pad markaj «Šoŭ Biełaruščyny», ahułam šeść z pałovaj miesiacaŭ pravioŭ u niavoli, aryštoŭvaŭsia bolš za 45 razoŭ. «Za kratami pačuvaješsia, jak u manaskaj kielli, kali možna sam-nasam razmaŭlać z Boham bieź vialikich pieraškod zvonku. Dla mianie kožnaja adsiedka — heta duchoŭnaje kštałtavańnie», — kaža jon.
Na minułych parlamenckich vybarach balatavaŭsia pa Viciebska-Horkaŭskaj akruzie №17, adnak byŭ źniaty ź pieradvybarnaje honki. Akruhovaja kamisija paličyła, što ŭ radyjozvarocie da słuchačoŭ palityk dapuściŭ «paklop na adras vyšejšych asob u dziaržavie», — Pavał tady zajaviŭ, što ŭ dziaržavie maje miesca «karupcyja i biurakratyja na ŭsich uzroŭniach ułady».
U 2001 hodzie Pavał chryściŭsia, chodzić u pravasłaŭnuju carkvu.
Kamientary