Kali biełaruski chłopčyk maryć palatać ź lotčykam, ubačyć zorki i niebažychara Stalina, to amerykanski chłopčyk sam sabie lotčyk, zorka i režyser.
Marcina Skarseze zaŭždy cikavili «śviatyja apantanyja», jakija vypadajuć z hramadztva — i śćviardžajuć hetym hramadzkija praviły. Hałoŭny hieroj «Avijatara» — Hovard Chjuz — lehienda Ameryki, jaje «najvialikšy paluboŭnik». Miljarder, lotčyk, kinapradusar, jaki kinuŭ vyklik karparacyjnaj studyjnaj systemie i samastojna zdymaŭ filmy, u tym liku klasyku — batalnych «Aniołaŭ apramietnaj» i hanhsterski film «Pa-za zakonam». Apantany avijatar, jaki imknuŭsia rabić samaloty ŭsio lepšymi i lepšymi. Paranoik, jaki bajaŭsia mikrobaŭ i zapiraŭsia ŭ pakojach.
Halivud daravaŭ dzikunski vyklik praviłam — i na stahodździe Chjuza adhuknuŭsia «Avijataram» ź Leanarda Dy Kapryjo ŭ hałoŭnaj roli.
Aktor hraje isnaść, vobraz, hihanta dumki, letucieńnika z voŭčaju chvatkaj, paśpiachovaha ryzykanta, kamiak enerhii. Zorka «Tytanika» demanstruje, što zdolnaja nia tolki pryhoža tanuć, ale j źziać aktorskaj niaŭrymślivaściu, vybuchać nervovym niespakojem i być stalovaj spružynaj.
U filmie hieroi mała nahadvajuć svaich pratatypaŭ, ale filmu heta nie zaminaje. Tak, Kiejt Błanšet syhrała zorku 1930-ch Ketryn Chepbern. Aktrysa spačatku była napałochanaja takoj prapanovaj, bo paŭtaryć mit vielmi niaprosta. Ale jana jaho j nie paŭtarała — jana ihrała pačućci, dumki j žarści svajoj hieraini — i hetamu vieryš.
Skarseze palemizuje z «Hramadzianinam Kiejnam» — najlepšaj amerykanskaj karcinaj i kvintesencyjaj amerykanskaha duchu. Kali hramadzianin Kiejn — apantany biznesoviec, jaki prahnie ŭłady j hrošaj, zdradžvaje dziciačym maram i nabivaje pałac antyčnym mastactvam, to Hovard Chjuz — bieskaryślivy ryzykant, zhodny pastavić na kartu ŭsio dziela svajoj mary, čałaviek, jaki buduje budučyniu, a nie kłaniajecca minułamu, šaloniec, jakomu dastatkova butelki małaka.
Poŭny varyjant čytajcie ŭ papiarovaj i pdf-versii hazety "Naša Niva"
Andrej Rasinski
«Avijatar» («Aviator»)
ZŠA—Japonija—Niamieččyna, 2004, kalarovy, 170 chv.
Žanr: Bijahrafičnaja drama
Adznaka: 7 (z 10)
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»13
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary