Adzin — abo nivodnaha

Miarkujučy pa vystupach i interviju, nia ŭsie kandydaty ŭ prezydenty ŭśviedamlajuć składanaść budučaha zboru podpisaŭ.

Adna reč była sabrać tysiaču podpisaŭ u adnoj mienskaj akruzie na vybarach u parlament, i zusim inšaja — sto tysiač u krainie. Navat u śvietłaj pamiaci 2001 hodzie heta ledź što ŭdałosia tolki dvum demakratam. Možna sabie ŭjavić cisk naleta: «Ty suprać kaho podpis pastaviŭ!..»

Kampanii Sinicyna j Maryniča ŭ svoj čas pakazali, što vialikich hrošaj dla jakasnaha zboru podpisaŭ taksama niedastatkova. Treba mieć ideju i addanych joj zborščykaŭ. Pryčym navat tysiačy ich moža akazacca małavata. Ale i pry samym aptymistyčnym scenary najaŭnaść niekalkich kandydataŭ spakusić Łukašenku na selekcyju. I zrobić niemahčymym šantaž bajkotam.

Kandydat moža być adziny — abo nia budzie nivodnaha. Vysnovy analitykaŭ.

ADČUŽEŃNIE AD PALITYKAŬ. Z dopisu Rusłana Raviaki z Baranavičaŭ: «Pa telebačańni padličvajuć pieramožnyja ličby narodnaj haspadarki. U hety ž čas radyjo «Svaboda» ahučvaje ličby hałasavańnia na niejkaj abłasnoj kanferencyi za adzinaha kandydata. Adsotki, adsotki, adsotki…» Ale i tam, i tam — palityka sucelna rasiejskamoŭnaja.

MAJEM SUROVAHA PAPU. Na apošniaj napiaredadni kanklavu imšy kard.Ratcynhier pramoviŭ nadzvyčaj rezkuju, možna skazać papulisckuju kazań. Usie čakali znaku nadziei, a pačuli ćviordyja i horkija słovy asudžeńnia i sumnievu ŭ charastvie hetaha śvietu. «Jaki tonie ŭ hrachu i raspuście, jaki addaliŭsia ad navuki Chrystovaj». Kardynał zmalavaŭ śviet jak uzburanaje mora, na jakim patanaje čovien Kaściołu. Kardynał ubačyŭ hrech skroź, dzie čałaviek addaliŭsia ad relihii, zaniaŭsia asabistymi i indyvidualnymi pošukami. Dobra — ale tryccać hadoŭ tamu, kali amerykancy palivali defalijantami Vijetnam, a kamunist Poł Pot zabivaŭ miljonami? 60 hadoŭ tamu pry Hitleru i Stalinu? A mo 200 hadoŭ tamu ŭ błasłavionyja časy niavolnickaha handlu? A mo 1000 hadoŭ tamu?.. I mienavita na aŭtaru hetych rezkich na adras śvietu słovaŭ spynili vybar kardynały. Pra novaha — surovaha — papu piša Siarhiej Chareŭski.

Vučycca ŭ Vilni. Aptymistyčnaja navina tydnia — 9 červienia ŭ Vilni adnović svaju pracu začynieny Eŭrapiejski humanitarny ŭniversytet. Dziakujučy litoŭskim uładam i premjeru Brazaŭskasu. Kałyska biełaruskaha adradžeńnia budzie ŭzhadoŭvać novyja pakaleńni biełarusaŭ.

• 0
• 0
• 0
• 0
• 0
• 0
• 0
• 0