«Я распавядаў нядаўна ў адной з размоў з еўрапейскім калегам: версія спадара Лукашэнкі, пра якую ён мне распавёў, заключаецца ў тым, што да іх саміх паступіла інфармацыя, што на борце знаходзіцца выбуховае прыстасаванне. Яны праінфармавалі пілота, не прымушалі яго да пасадкі, і пілот прыняў рашэнне садзіцца ў Мінску. Вось і ўсё», — адзначыў расійскі прэзідэнт.
На рэмарку журналіста «І вы верыце, што гэта праўда?» Уладзімір Пуцін парыраваў: «А чаму мне яму не верыць? Вы спытаеце ў пілота. Самае простае — спытаць у камандзіра карабля: цябе прымушалі да пасадкі ці не? Спытайце ў яго. Вы пыталіся ў яго? Нешта я ні разу не чуў інтэрв'ю гэтага камандзіра карабля, які сеў у Мінску. Чаму б яго не спытаць: што, цябе сілай прымушалі садзіцца? Чаму не пытаецеся ў яго? Гэта нават дзіўна. Усе абвінавачваюць Лукашэнку, а ў пілота не пытаюцца».
Расійскі лідар заявіў, што ў сувязі з гэтым ён не можа не ўспомніць іншага выпадку падобнага роду, калі самалёт прэзідэнта Балівіі па загадзе амерыканскай адміністрацыі пасадзілі ў Вене.
На гэта выказванне амерыканскі журналіст заўважыў, што «гэта зусім іншы прыклад», паколькі гаворка ідзе аб камерцыйным рэйсе.
Тады Уладзімір Пуцін зноў быў вымушаны паўтарыць свой тэзіс: «Паслухайце мяне, я яшчэ раз вам кажу тое, што мне сказаў прэзідэнт Лукашэнка. У мяне няма падстаў яму не верыць. Спытаеце ў пілота ўрэшце, трэці раз вам кажу. Ну чаму вы не спытаеце-та? Яго прымушалі, яго палохалі?»
