Сяргей Міхалок у сваім відэа сказаў, што звяртаецца выключна да фанатаў Brutto, а не звяртаецца да шырокай грамадскасці, гэта не тлумачэнні для органаў і не для «лідараў меркаванняў»: «Я не размаўляю ні з курыцамі, ні з пеўнямі — не ведаю птушынай мовы», — дадаў Міхалок.
А для «хлопцаў і дзяўчат» Міхалок распавёў наступнае:
‒ Ішоў там мой ужо 7800-ы нейкі там канцэрт у Палтаве. Канцэрты Ляпісаў — гэта інтэрактыўнае шоу. Шмат буфанады, імправізацыі, на хаду нешта там робім.
Я неяк размаўляў з людзьмі з першага шэрага. Нейкія прыемныя інтэлігентныя людзі. Я часам да іх апелюю. Вяртаюся, гляджу: іх няма, маіх любімых. А сядзяць пару хлопцаў, імітуюць, што засумавалі. Ну думаю, ого, я вас ужо не адпушчу. Стаў іх падколваць, тыпу падушачку падаць. Ахова іх стала адводзіць.
Я гляджу, у аднаго «швайка». Кажу: «Дык давайце яго на сцэну». Я сам пачынаў як вулічны музыка. Думаю, цяпер зробім дуэль.
Чувак выходзіць на сцэну. Я ў вушных маніторах. Я разумею, што ён нешта там грубае крычыць, але слоў не магу разабраць. Калі ён выходзіць на сцэну, я бачу, што ён наогул ніякі. Юра. Я яму шапчу ў вуха: «Даставай «швайку», а потым я нешта зайграю». Ён пачынае мацюкацца. На сцэне мой сын, куча апаратуры. Ахоўнікі стаяць. Я ж як бы сказаў: «Я сам разбяруся».
Ну, увогуле, ён хамануў, нешта дзёрзкае сказаў. Я думаю: ну, маё працоўнае месца, людзі глядзяць. Мы — Brutto Nostra, я — Міхалок. Ну як бы імідж абавязвае — fight і ўсе справы.
Так ціхенька яго бадануў. Ён больш нават не ад удару, а неяк… Я не буду апраўдвацца. Даў бычка — у нас гэта называецца. Ва Украіне гэта называецца «на Адэсу адправіў». І пайшоў далей канцэрт весці.
Я гэтаму канфлікту не надаваў ніякага значэння. Юра застаўся на канцэрце. Потым паліцыя прыязджала — ён ніякіх прэтэнзій не меў. Ён сядзеў у зале. Я потым з ім размаўляў. Кажу: «Юра, цягні сюды, можа хочаш сатысфэкшн? Я рукі прыбяру за спіну, уваліш мне». Ніякіх прэтэнзій ён не меў. Сказаў, прыйшоў песню паказаць, проста перапіў і г.д., — распавёў Міхалок.
Украінская паліцыя завяла крымінальную справу па артыкуле «хуліганства». Максімальная санкцыя па гэтым артыкуле складае пяць гадоў абмежавання волі. Сяргей Міхалок з’яўляецца заслужаным артыстам Украіны.
«Пакажы білет!»: Міхалок аблаяў і ўдарыў мужчыну на сваім канцэрце ВІДЭА
