Выбар
Глябалізацыя, глякалізацыя — нарэшце
MTV заразмаўляе па-наску!
Больш не кажы «прівет» альбо «чэсьць» мне —
кажы «вітаю» мне, калі ласка!
Хоць я ў Амэрыцы зараз, а ты — на Радзіме,
я выпаў з кантэксту ў іншы кантэкст, і
ў маёй кватэры MTV не на мове Скарыны,
па-беларуску я буду пісаць свае тэксты.
«Нямецкая хваля» будзе заўсёды «волною» —
я не люблю паводкі і «русскую водку».
Хто абірае мову, тыя зусім не героі —
проста хочацца жыць у сваёй дзяржаве, і кропка.
Адылі ты там, а я тут амаль што
ў роўным стане. Ізраіль наш не адбыўся.
Беларусь — беларуская, кажаш? Ня трэба фальшы.
Патрыятызм у Беларусі яшчэ не прыжыўся.
Загляне сонца ў наша... калі жалюзі рассунуць
і зразумець — «паўрускімі» быць ня модна
альбо «паўпалякамі». А так і праўда можна падумаць —
Пуцін рацыю мае, пытаючыся, ці народ мы.
«Славянскі базар», «Криница», прамовы часоў застою —
чырвона-зялёны патрыятызм — гэта падробка.
Выбраўшы мову, не, ты ня станеш героем —
на безаблічнасьці проста паставіш тлустую кропку.
Вашынгтон—Чэйпэл-Гіл, ЗША
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары