Фота яшчэ адной гіганцкай чаргі на выходных разарвала Threads — паўмільёна праглядаў менш чым за суткі, піша Onliner.by.
— Ёсць ідэі, што за свята? — пытаўся аўтар допісу.
Людзі, якія ведаюць справу, хутка высветлілі, што гэта жыхары сталічнага раёна «Мінск-Свет», якія чакалі магчымасці купіць клубніцы, прывезеныя ў мікрааўтобусе.
«Няўжо такія смачныя, каб стаяць?» — дзівяцца каментатары. «Усе стаяць — трэба пастаяць», — тут жа ім тлумачаць правілы гульні.
— Мы хацелі купіць, але, убачыўшы чаргу машын яшчэ са скрыжавання, а потым і шэраг людзей, развярнуліся і паехалі на рынак — купілі за тую ж цану вялікія, салодкія без чаргі.
— Так, моладзь. Хочуць адчуць, як мы раней увесь час стаялі ў такіх чэргах. Галоўнае — вывучыце фразу: больш кіло ў адны рукі не даваць!
— Я думала, што гэта вада. Я не ўяўляю, што стаяла б у такой чарзе за чымсьці менш важным. А калі адключаюць ваду, ужо няма выбару.
-
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста
-
Беларусы здымаюць вогненныя пародыі на ролік са школьнікам, які палоў бульбу — далучыліся ратавальнікі, метрапалітэн і «Купалаўцы» ВІДЭА
-
«Я аж спалохаўся, рэальна». Беларусы знайшлі ў лесе гіганцкі баравік
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары